Te Minita 7:12 - Te B'aib'ara

¹² E kaawakiniko te rabakau n ai aron te m'ane; e na kairiko nakon te maiu te ataib'ai ma te iango raoi.

Te Minita 7:12 ပူးပေါင်းရင်းမြစ်များ

Iobi 1:10

Ko aki toki ni kakawakinna ma ana utu ni kabane. Ko kakab'aiai b'aai ni kabane ake e karaoi, ao ko anganna ana kao aika m'aiti ni kaona te aba ae b'anin.

Taian Areru 57:1

Ko na nanoangaai, te Atua, Ko na nanoangaai, B'a boni Ngkoe reken rauni maiu. Ko kamanoai i aan nuuni baim ni kiba ni karokoa e toki karen angibuakan te maiu.

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 14:20

Bon akea raoraom ngkana kam maiu ni kainano, ma a na bon rangi ni m'aiti raoraom ngkana kam kaub'ai.

Taeka n Rabakau 2:11

E na tararuaiko ana babaaire nanom ae e raoiroi ao te iangoraoi.

Taeka n Rabakau 2:7

E anga te Atua taian reirei aika a i buobuoki nakoia aomata ni kabane aika ongotaeka i rouna ao ni kaawakiniia ni kabane aika a maiu n aron are a kaantaningaaki iai.

Taeka n Rabakau 3:18

Bon te aroka ae e anga te maiu te wanawana, bon te tabo ike e nako mai iai te kukurei i bukiia ni kabane akana a taumatoaia.

Taeka n Rabakau 8:35

Ngkana kam kuneai ao kam na kunea naba te maiu, ao ane e na kukurei te UEA iroum.

Taeka n Rabakau 9:11

Bon te Wanawana ngai. Ngkana ko irai, ao e na anaanau maium.

Te Minita 10:19

Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 2:13

Ao I kunea b'a e raoiroi riki te wanawana nakon te nanobaba, kaanga ai aron te oota ae e raoiroi riki nakon te roo.

Te Minita 7:19

E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.

Te Minita 9:16

I iangoia b'a e raoiroi riki te wanawana nakon te korakora. Ma ngkana ko maiu ni kainano, ao bon akea temanna ae e kubariko, e ngae ngkana ko tim'aati.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Itaia 30:2

Kam onimakina Aikubita i bukin kamanoami. Ma ngaia are, kam rawa nakon au babaaire. ao kam kanakoia ami taan uarongorongo nako Aikubita ni buubutiia aia uea buokami.

Itaia 32:2

A na riai n riki b'a nne ni kamaiu man taian angibuaka, b'a taiani karaanga n ran n te rereua, ao te b'a ni katantan ma ni kabuebuen taai.

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Ioane 12:50

Ao I ataia b'a e reke te maiu are aki toki man ana tua. Ma ngaia aei, b'a te bae I atongnga, ao I atongnga n aron are E tuangai Tamau.”

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Te Tua-Kaua 32:47

Bon tiaki taeka aika akea nanoia taian tua, b'a a kona ni kananaui maiumi n te aba are kam nang anaia.

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

Tani Motiki-taeka 9:15

Ao e taku te aroka ae kateketeke, Ngkana kam bon tangirai b'a N na riki b'a ami uea, ao kam na nakomai nako aan nuu ao N na kaawakiningkami Ma ngkana kam m'am'anaai, ao N na kauraa te ai are na rakanako ma n tiringi tiiran Reb'anon.