Te Minita 6:3 - Te B'aib'ara

³ E konaa n rangi n ab'ab'aki maium, ao ni karikiia natim iai aika tebubua m'aitiia. Ma e raoiroi riki nakoim te ataei ae e bungiaki ni mate, ti ngkana ko kukurei n te maiu, ao ko taunaki raoi ni matem.

Te Minita 6:3 ပူးပေါင်းရင်းမြစ်များ

Karikani B'aai 33:5

Ao e taratara nako Etau, ao e nooriia aine ma ataei, ao e taku, “Ao ai antai aomata aika raom aikai?” Ao e taku Iakob'a, “Bon aikai ataei aika E a tia te Atua n nanoangaai n anganai.”

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

2.Uea 10:1

A bon tiku naba ni maeka ana kariki Aaba aika itingaun i Taamaria. Ma ngaia are, e korea ana reta Ieu nakoia taani kairiiri aika a kakannato ma mataniwi aika a kakannato n tatabemaniia nako n te kaawa, ao aomata nako ake a tei i bukin Aaba. Ao a taku kanoan reeta akekei:

2.Uea 9:35

Ma ngke a otinako b'a a na tauna rab'atana, ao a kunea b'a ai ti tab'anouna n tiku, ao riini baina ake uaai ma waena ake uaai.

1.Rongorongo 28:5

E a tia ni kakab'aiaai te UEA n anganai natiu m'aane aika a m'aiti, ma E rinea natiu te m'aane ae Toromon b'a e na manga uea imwiiu i aon Iteraera.

2.Rongorongo 11:21

Bon tengaun ma waniman m'aitin buun Reoboam ma e a manga mare riki ma onongaun aine, ao bon tamaia uangaun ma waniman naati m'aane, ao onongaun naati aine, ma e tangira riki buuna are Nei Maaka Reoboam,

Etita 5:11

Ao e kamoaa nakoia n aron kaub'aina ma m'aitiia natina m'aane, ma aron te uea ngke e karikirakea nakoana, ma arona n rietaata riki nakoia raona n aobitia.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Iobi 3:11

I bia kaman mate ngke I a tib'a bungiaki.

Iobi 3:16

E aera ngke I aki kaman mate ni bungiakiu, ao n taunaki, n aki manga noora otan te ngaina.

Taian Areru 58:8

A bia riki ni b'atakataka ni mate rab'ataia n ai aron te ntabaniban; Ke n ai aron te merimeri are bungiaki ni mate ao e aki nora naba teutana ootan taai.

Taeka n Rabakau 17:6

A kakatonga aia karo tamaia ma tinaia irouia tibuia, ao a na riai ni kakatonga naati irouia aia karo.

Te Minita 4:3

Ma a kab'aia riki akana a tuai ni bungiaki nakoia aomata ni kabane, i bukina b'a a aki te roko n noori baika a buakaka aika a riki n te aonnaba aei.”

Te Minita 6:4

E na aki manga noora taai te ataei anne ke e na aki aranaki, ao e na m'ananga ni kaineta te aonnaba are e rootongitong.

Ieremia 22:19

Ko na taunaki n ai aron taunakin te aati; e na aeaeaki rab'atam nako tinanikun mataroan te kaawa ma n tewenakoaki i buakon te baareka. Bon aio au taeka Ngai ae te UEA.

Ieremia 36:30

Ma ngaia are, boni Ngai ae te UEA ae I berita b'a ko na tiringaki ao e na karenakoaki rab'atam i aon te tano. E na ruonna kabuebuen taai n te ngaina, ao te kam'aitoro n te tairiki. Ao akea mai buakoia am kariki ae a na manga uea i aon Iuta.

Ieremia 8:2

ake a tangiria n taromauria taai, nam'akaina, ao taian itoi. Ane a na maenako taian rii aikai ao a na tiku n raea i aontano kaanga te mwi, ike e konaa n oota taai ma nam'akaina ao taian itoi i aoia.

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”