Te Minita 6:2 - Te B'aib'ara

² Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!

Te Minita 6:2 ပူးပေါင်းရင်းမြစ်များ

1.Uea 3:13

N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

1.Rongorongo 29:25

E karaoa Toromon te UEA b'a te uea ae e kakannato, ao a bane botannaomata ni kabane ni mimi n tanoatan taekana. N te koaua, ao bon akea uean Iteraera ae ai aron kakannaton Toromon.

1.Rongorongo 29:28

E rangi ni kaub'ai Tawita mani karineaki ao e maiu ni karokoa e a kara. I mwiin matena, ao e a manga uea natina te m'aane are Toromon.

2.Rongorongo 1:11

Ao E kaeka te Atua: Toromon, I taku b'a ko na bubutiai b'a n na karikiko b'a te kaub'ai ae e kakannato, ke n na kanaanaua maium. Ke ko na butiai b'a n na kamaunaiia am kairiribai, ma ko aki b'a ko butiai b'a n na anganiko te wanawana ma te rabakau n tautaekaniia au aomata.

Taian Areru 17:14

Kabongana baim ae m'aaka ni kamaiuai iai mai nanoni baiia aomata aika reke irouia b'aai ni kabane aika tangiri n te maiu aei. Ko kareke kanaia ake Ko tangiriia. A bati n reke irouia natiia, Ao a na bati riki n reke nakoia tibuia i aoni m'aitin are e tau i bukiia.

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 73:7

A oti nako baika buakaka mai nanoia; Ao akea te bae a iaiangoia b'a ti te kario kaantaninga aika bubuaka.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 5:13

I a tia n noora te b'ai ae e rangi ni kaairua. A kaub'ai aomata, ma bon akea raoiroina nakoia.

Te Minita 5:16

Anne bon te b'ai ae e rangi ni kaairua. A kiitana te aonnaba n aron are a moan roko naba iai. Bon akea te b'ai ae a karekea i mwiin kakiokioan te ang.

Te Minita 5:18

Tera te b'ai ae e rangi ni kakaawaki ae e riai ni karaoaki n te maiu ae e rangi ni uarereke ae e anganiira te Atua? I taku b'a ti riai ni kukurei n te am'aam'arake, te momooi, ao te m'akuri korakora.

Te Minita 5:19

Iangoia b'a aongkoa ko a rangi ni kaub'ai, ao ko a kukurei n am b'ai nako. I mwiina, waakinako ao kakukureiko n te m'akuri ae e rawaawata-bon aei ana b'aintangira te Atua nakoim.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

B'aeb'aeti 5:2

A b'aini ara b'ai ianena; A maeka iruwa ni mwengara.

Taniera 5:18

“Nooria te uea, bon te Atua ae e m'aaka ae E karika taman Nebukaneta b'a te uea ae e korakora, ao E anganna te m'aaka ma te karineaki.

Otea 7:9

A taraa n ae a aki ataa mamaaraia ma koreaia: a mainaina iraia, ngkai a tautaeka ianena.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:43

Ao a na rikirake ni kaub'ai ma ni korakora aomata aika iruwa i nanon ami kaawa nako, ao ngkami kam na rikirake ni kainano ma ni mamaara.