Te Minita 6:12 - Te B'aib'ara

¹² E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Te Minita 6:12 ပူးပေါင်းရင်းမြစ်များ

1.Rongorongo 29:15

Bon iruwa ngaira aika ti maeka tabeua te tai n te aonnaba aei, n ai aroia ara bakatibu. Ti na manga bon waekoa n nako, n ai aron te nuu ae e waekoa ni mauna nako.

Iobi 14:2

Ti rikirake n ai aron te uee, ao ti a manga rai ma ni mauna nako. Ti waekoa ni mauna n ai aron te nu ma n aki manga kaoti.

Iobi 14:21

E ngae ngkana e a manga reke te karineaki i rouia natiia m'aane, ao bon akea naba te b'ai ae ataia ke ni kakeaki karineaia.

Iobi 8:9

A kimototo maiura, ao akea te b'ai teuana ae ti ataia. Ti m'ananga i aon te aonnaba kaanga te nu.

Taian Areru 102:11

Ai aron te nu ae tabe ni mauna bongini maiu, Ao I rai n ai aron te uteute.

Taian Areru 109:23

I a kaan mauna nako n ai aron te nu ngkana e a kan tairiki; I ukaki nako n ai aron te keeketi.

Taian Areru 144:4

Ai aron te ike ae ti te ikena ngaia; Ao ana bong ai aron te nu ae roko n nako.

Taian Areru 16:5

Bon te UEA ngkoe, ae au b'ai ni kabane! ao ko anganai b'aai ni kabane aika i kainanoi; e bon mena arou i bukin taai aika ana roko i nanon baim

Taian Areru 17:15

Ao ngai, ae N na noriko, b'a akea au bure ae I karaoia; N na kukurei n norani buram ngkana I uti.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taian Areru 47:4

E rinea abara i bukira, ae aia b'ai ni kamoamoa ana botannaomata ake E tatangiriia.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Te Minita 10:14

A aki konaa ni b'ara riaia, ma bon akea mai buakora ae e ataia b'a tera kanoan boong aika a na roko.

Te Minita 12:13

A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Te Minita 2:3

I kani kakaaea b'a tera te kabanea n raoiroi i bukira n te tai ae e uarereke aei i aon te aonnaba. Ma ngaia are, I iangoia b'a N na kakukureiai n te wain, ao ni kakaaea b'a tera nanon te riki n nanobaba, ngkana I bon aki nanobaba raoi.

Te Minita 3:22

Ti bon nanonaki b'a ti na kukurei n ara m'akuri, ao bon anne te b'ai ae ti konaa ni karaoia. Ti bon aki konaa n atai boong aika a na roko.

Te Minita 6:11

M'aitin ara b'arantiko boni m'aitin akean nanon ara taeka, ma ngaia ae ai tera nanon ara b'arantiko?

Te Minita 7:15

I a tia n noori b'aai ni kabane i nanoni maiu ae akea manena aei. I a tia n nooriia kaain te kaawa aika a mate i bukin karaoan te eti, ao I a tia n nooriia taani bure aika a maiu ni karokoa karaia.

Te Minita 8:13

ma bon akea ae e bure man tannako mairoun te Atua ae e na teetekeraoi ke n anaanau maiuna.

Te Minita 8:7

e ngae ngke bon akea ae e konaa n taekin kanoani boong aika a na roko.

Te Minita 9:6

A kaai ni mauna nako ma aia tangira, aia riribai ao bakantangiia. A aki konaa te manga ira buakon b'aai aika a riki n te aonnaba aei.

Te Minita 9:9

E kimototo te maiu aei, ao ko tangira buum, ma ngaia are, kakukureiko ni mena i rarikina. Bon aei te b'ai ae ko kaantaningaaki b'a ko na karaoia, ngkai ko tabe ni korakai n te maiu n te aonnaba aei.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Iakobo 4:14

Ao kam bon aki ataia b'a tera aroni maiumi ningabong. B'a kanga ai aron te mabubu ngkami, ae kaoti teutana ao rimwi e mauna.