Te Minita 5:8 - Te B'aib'ara

⁸ Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Te Minita 5:8 ပူးပေါင်းရင်းမြစ်များ

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

Iobi 24:23

E bon anganna te maiu raoi ti i nanon tabeua te tai, ma E bon tarataraia n taai nako.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 55:9

Te Uea, Ko na kamangaongaoi aia taetae taan ribaai, B'a I noori m'akuri ni kakeru ma aaro ni kiriwe i nanon te kaawa.

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Taeka n Rabakau 22:16

Kam ruuti ngkana kam kewea te aomata ae e maiu ni kainano ke kam anga te b'aintangira nakon te kaub'ai.

Taeka n Rabakau 24:12

Tai kaangai, “I aki ataia!” E konaa n ataa nanom te Atua. E tarataraira ni tatabemaniira nako ao e atai ara iango. Ao e na manga kabooa mwiin are ti karaoia te Atua.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Te Minita 3:16

I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 5:9

I bukina ngke te kabanea n rietaata ni mataniwi te uea, ao e m'aiti riki tib'angana man te taekiti are e kab'akaaki man te aba.

Te Minita 7:7

E kananobabaia aomata aika a iangoraoi te uruaki n nano, ao e konaa ni burimauniiko te kamaraato.

Te Minita 8:9

I noori baikai ni kabane ao I karawaawata iangoaia b'a ai tera ae e riki n te aonnaba aei. E aera ngkai iai tem'angina aika iai m'aakaia ni kaikoakia tem'angina?

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 3:15

E taku te UEA ae Moan te M'aaka, “Kam a tia ni kamanatuaia au aomata mani kabaarekai mataia aomata aika a maiu ni kainano.”

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Etekiera 18:18

Bon tamana ae e na bon mate i bukin burebureaia aomata ma kimoakiia ao karaoan te m'akuri ae e buakaka.

Amota 5:12

Ao I atai aron ami bure aika nang riao aika kam a tia ni karaoi. Kam b'ainikiriniia aomata aika raoiroi, kam kamaraato, ao kam totokoia aika kainano nakon te motikitaeka ae eti n te bowi.

Amota 6:12

A konaa ni biri aoti i aon taian b'aa? A kona aomata ni kairiia kaao b'a a na katika te b'araua i aon taari ni kamaraua taari? Ma ko a tia n onika te eti nakon te b'ai ae kamamate, ao te raoiroi nakon te kairua.

Mika 2:9

Kam kakionakoia ainen au botannaomata mani mwengaia aika a mwengaraoi iai, ao kam iraei naba kab'aiaia aia ataei ake I a tia n anganiia.

Tekaria 8:6

E na taraa ni kangaanga aei irouia au aomata aika a tiku, ma e a aki kangaanga irou, Ngai ae te UEA ae Moan te M'aaka.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Ruka 1:32

Ane E na kakannato, ao E na aranaki b'a Natin te Atua are Moan te Rietaata; ao te Uea ae te Atua, E na anganna te nakoa n uea n ai aron are e a tia n reke ngkoa iroun Tawita are ana bakatibu;

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 1:76

Ao ngkoe, ae natiu, ko na atongaki b'a ana burabeti te Atua are Moan te Rietaata; Ko na nako n ri moan te Uea ni katauraoi b'aai ni kabane i bukina.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

I-Rom 11:33

Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

1.Betero 4:12

Ngkami aika kam tangiraki, kam na tai mimi n te b'ainikirinaki ae korakora ae kam taonaki iai ma ni kataaki iai, b'a aongkoa te b'ai ni kamimii ae riki nakoimi;

1.Ioane 3:13

Taari, kam na tai mimi ngkana a ribaingkami kaain aon te aba ae bubure.