Te Minita 5:6 - Te B'aib'ara

⁶ Ke e tai karekeko wiim n te kaangaanga! Ao ko na aki kaangai nakon te tia kaira te taromauri, “Kai I bon taetae ni manikangare.” E konaa te Atua ni kamaunai am b'ai ni kabane aika ko a tia ni karekei n am m'akuri, ma ngaia ae, ko na aki taekina te b'ai teuana ae e na un iai te Atua.

Te Minita 5:6 ပူးပေါင်းရင်းမြစ်များ

Karikani B'aai 48:16

E bia kakab'aiaia te anera are e kamaiuai man taian kangaanga ni kabane. E bia maiu arau ma aran Aberaam, ao Itaaka i nanoia ataei ni mm'aane aikai. A bia m'aiti natiia, ma aia kariki.”

Taeka n Rabakau 23:17

Tai mataaiakiniia taani bure, ma karinea te Atua n taai nako.

Te Minita 10:12

A na reke raraom, ngkana ko taetae ni iango raoi; ao ngkana ko taetae n nanobaba ao ko bon tiringko iai i bon iroum.

Te Minita 3:14

A na bane n akea tokini b'aai ni kabane aika e karaoi te Atua, akea te b'ai ae E karaoia ae e na manga bitaki. E a tia ni karaoi b'aai aikai ni kabane te Atua, b'a ti aonga n taromauriia.

Nakoaia Ibonga 4:2

b'a e na tuangiia Iteraera ake a bure n urui ana Tua te UEA n tiaki nanoia.

Nakoaia Ibonga 4:22

Ao ngkana arona b'a e reke n te bure te tia tautaeka n urua ana Tua te UEA teuana n tiaki nanona,

Maraki 2:7

Kam riai ngkami aika ibonga ni kakorakora nanomi n kabutaa nako te ataib'ai, ao a riai aomata nako ni kawaringkami i bukin reireiaia, i bukina b'a kam taetae ibuku, Ngai ae te UEA ae Moan te M'aaka.

Maraki 3:1

Bon te UEA Ngai ae Moan te M'aaka, ae N na kanakoa te tia uarongorongo are e na katauraoa te kawai i buku. ao E na karina ni kaoti te UEA are kam kakaaea i nanon ana Tembora. E na roko te tia uarongorongo are kam tangiria ma au berita, ao ae i aon kawaina.

Warekaia Iteraera 15:25

Ao i mwiina, e na tataro te ibonga ni butiai kab'araan ami bure. Ao i bukina ngke kam bon aki kantaningaia b'a kam na karaoa te bure, ao kam anga ami karea,

1.I-Korinto 11:10

I bukin aei, ao i bukiia naba anera, ao e riai iroun te aine b'a e na memena kanikinaean tauan arona i aon atuna.

1.Timoteo 5:21

I tuangko i matan te Atua, ma Kristo Iesu, ma ana anera te Atua, b'a ko na tou mwiini baikai ma te nano ae eti ae aki nanonano.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Iakobo 1:26

Ngkana e taku temanna b'a e taua te Aro, ao e aki kona n taua tian ana taeka, ao e boni m'am'anaia i bon i rouna, ao akea nanon tauan te Aro i rouna.

Iakobo 3:2

B'a akea iroura ae aki kaairua; ao ngkana iai ae aki kaairua n ana taeka, ao bon te aomata ae kororaoi n arona, ae e kona ni bweena rab'atana ae b'anin.

2.Ioane 1:8

Kam na tarataraingkami b'a kam na tai kabuai baike kam m'akuri i bukiia; ma kam na karekei kaniwangami aika b'anin raoi.