Te Minita 5:4 - Te B'aib'ara

⁴ Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Te Minita 5:4 ပူးပေါင်းရင်းမြစ်များ

Karikani B'aai 28:20

Ao e karaoa ana berita Iakob'a nakon te UEA, ao e taku, “Ngkana tao Ko irai mani kaawakinai ni kawaiu aei ma n anganai te am'arake ma te kunnikai,

Karikani B'aai 35:1

Ao e taku te Atua nakon Iakob'a, “Kawaekoako n nako Betaera, ao maeka iai. Ko na karaoa te baonikarea ikekei i buku, Ngai ae te Atua are I kaoti ngkoa nako im ngke ko birinako mairoun tarim are Etau.”

Karikani B'aai 35:3

Ti nang kitana ikai nako Betaera, b'a N na katea te baonikarea i bukin te Atua are E buokai ngkoa i nanon au tai ni mena i nanon te kangaanga, ao E memena irou n taabo nako ike I a tia n nako iai.”

Taian Areru 116:14

N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 50:14

E na riki ami katituaraoi b'a ami karea nakon te Atua, Ao kam na kakoro bukin ami taeka ni bau nakon Teuare Moan te Rietaata.

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Taeka n Rabakau 20:25

Ko na aki b'aka nako nanon te b'ainikam'ane n arom ni berita nakon te Atua ma te aki karaurau ni iango!

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Warekaia Iteraera 30:2

Ngkana iai ane karaoa ana berita nakon te UEA, ao kam riai ni kakoroa bukin ami taeka.

Mataio 5:33

“Kam ongo naba b'a e atongaki nakoia ami bakatibu, ‘Tai urua am taeka ni bau, ma ko na karaoi b'aai ake ko taetae ni bau iai nakon te Uea b'a ko na karaoi.’

Ebera 10:6

Ko aki kukurei ni karea aika kabaneaki ni kabuokaki ma karea ni kab'ara buure.

Tani Motiki-taeka 11:35

Ao e tang Iebeta, O, ao e raeuaaka kunnikaina i bukin rawawatana ao e taku nakon natina, I a tia ni berita nakon te UEA, ao I riai ni kakoroa bukina. Otinakom ni kawarai e bon riki b'a uruakin nanou.