Te Minita 5:17 - Te B'aib'ara

¹⁷ I rarikin aikai, ao a aki toki n am'aam'arake n te roo, a aki rau, a aoraki ao a un.

Te Minita 5:17 ပူးပေါင်းရင်းမြစ်များ

Karikani B'aai 3:17

Ao E a manga taku nakon teuarei, “Ao ngkoe ngkai ko ongo b'anaan buum ni kana naba te uaanikai are I a tia n tuangko b'a ko na aki kanna, ao ngkai, N na katekebuaka te tano. Ane ko na m'akuri korakora ni kabane bongin maium n riribanaa te tano i bukin karekean kanam.

1.Uea 17:12

Ao e taku neierei, I boni koaua n aran am UEA ae E maiu b'a bon akea kanau te kariki. Bon ti iai irou ngkai te abutana te buraawa, ao teutana b'aan te oriwa. Ao i aon kawaiu ngkai n okira mwengau ma au aia aikai ni kuukana ae iai irou ngkai b'a kanau ao kanan natiu te m'aane. Ao i mwiin anne, ti nang mate ni baki.

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

2.Uea 1:6

Ao a taku, B'a iai te m'aane ae ti kaaitibo ma ngaia i aoni kawaira ma te rongorongo nakoim mairoun te UEA. E kan ataia te UEA b'a bukin tera ngkai ko kanakoira b'a ti na kawara Baretebub'a i bukin ikoakim, ao e aera naba ngkai ko aki kakoauaa ae iai te Atua i aon Iteraera. E bon tuangiira naba te m'aane arei b'a E taku te UEA b'a ko nang mate.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

Iobi 21:25

Ao tabem'aang bon akea teutana kukureia, a maiu ma ni mate i nanon te rawawata.

Taian Areru 102:9

I kana te mannang kanga te am'arake, ao I rengana nimau n rannimatau,

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 78:33

Ma ngaia are E katoki aia bong ni maiu, kanga ai aron tokin te ike; Ao E motiki maiuia n te kabuanib'ai ae karina rokona.

Te Minita 2:10

A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 2:23

E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Te Minita 7:14

Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.