Te Minita 5:15 - Te B'aib'ara

¹⁵ A roko nakon te aonnaba ni bebeekan, a na mate, ao a na bebeekan naba. Bon akea te b'ai ae a konaa ni uotia nako, ao akea naba te b'ai ae a na konaa ni kaotia i bukin aia m'akuri ni kabane.

Te Minita 5:15 ပူးပေါင်းရင်းမြစ်များ

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 15:2

E bon riai b'a e na kaeka te aomata n aki iango, ma ni kaonna n iango aika kabuebue?

Taian Areru 49:17

E aki kona n uotia nako ngkana e mate; E aki kona n airi ma kaub'aina nakon te ruanimate.

Te Minita 5:14

Ao ane a na karina ni bua b'aai ni kabane ake a karekei man te anga n iokinib'ai ae e buakaka, ao ane e na akea ae e na tiku i bukiia natiia.

Otea 12:2

E katuaaia naba kaain Iuta te UEA, ake ana kariki Iakob'a. E na katuaaia i bukin te b'ai are a tia ni karaoia.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

1.Timoteo 6:7

B'a bon akea te bae ti uotia nako aon te aba, ao bon akea te bae ti na uotia nako mai aon te aba;