Te Minita 5:13 - Te B'aib'ara

¹³ I a tia n noora te b'ai ae e rangi ni kaairua. A kaub'ai aomata, ma bon akea raoiroina nakoia.

Te Minita 5:13 ပူးပေါင်းရင်းမြစ်များ

Karikani B'aai 14:16

ao Aberam, e anai taiani b'ai mairouia naake a konaaki, ake a uotinako ngkoa b'aai. Ao e kaoka naba ai natina are Roota ma ana b'ai ni kabane, n ikotaki naba ma aine, ao taenikai naba ake tabeman.

Karikani B'aai 19:14

Ao e nako Roota ni kawariia mm'aane ake a na iein ma natina aine, ao e taku, “Kawaekoaingkami otinako mai ikai; E nang kamaunaa te tabo aei te UEA.” Ma a taku b'a e manikangare.

Karikani B'aai 19:26

Ma e tanrikaaki buun Roota, ao e riki b'a te boua te taoro.

Iobi 20:20

E aki kona ni ngae nanona ni mataai.

Taeka n Rabakau 1:19

Te kaub'ai are ko karekea man te bure e na manga bon iraeiko mani maiumi.

Taeka n Rabakau 1:32

E na karokoa te mate te bure ma te kamoamoa nakon te nanobaba n rangirang.

Taeka n Rabakau 11:4

Ngkana e un te Atua, ao e na bon aki buokingkami te m'ane. Te ongotaeka iroun te Atua bon ti ngaia te kawai i bukin karekean te maiu man te mate.

Taeka n Rabakau 23:4

Kataia b'a kam na aki riki ni kaub'ai

Taeka n Rabakau 27:24

b'a a aki teimatoa n aki toki te kaub'ai ma te karineaki.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 5:14

Ao ane a na karina ni bua b'aai ni kabane ake a karekei man te anga n iokinib'ai ae e buakaka, ao ane e na akea ae e na tiku i bukiia natiia.

Te Minita 8:9

I noori baikai ni kabane ao I karawaawata iangoaia b'a ai tera ae e riki n te aonnaba aei. E aera ngkai iai tem'angina aika iai m'aakaia ni kaikoakia tem'angina?

Itaia 2:20

Ao n te bong arei ao a na karenakoi aia bouannanti aomata ni kabane, aia bouannanti ake a karaoaki n te tirewa ma te koora i bukin te taromauri.

Teb'ania 1:18

N te bong arei ngkana e roko unin te UEA, ao ana bon aki kamaiuaki n aia tirewa ma aia koora. E na bane ni mauna te aonnaba n uran unna. E na karokoa te toki; te toki ae e karina nakoia ake a maiu i aonnaba.

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ruka 19:8

Ao e tei Takaio, ao e taku nakon te Uea, “Noria, te Uea, N na anga nako iteran au b'ai nako nakoia akana aki kaub'ai; ao ngkana I a tia n anaa te b'ai teuana mairoun temanna n te aro ni babakanikawai, ao N na manga kaokia nako ina ni kaaua te tai m'aitina.