Te Minita 5:10 - Te B'aib'ara

¹⁰ Ngkana ko tangira te m'ane ma te kaub'ai, ao ko na bon aki konaa n rauaki ni b'aai akana iroum. Bon akea naba nanon aei.

Te Minita 5:10 ပူးပေါင်းရင်းမြစ်များ

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Taian Areru 52:7

“Nora te aomata ae rawa n onimakina te Atua i bukini kamanoana, Ma e onimakin kaub'aina aika bati, Ao e iangoia b'a e na reke kab'aiana n arona ni bangaomata.”

Taian Areru 62:10

Tai onimakini ami m'akuri ni bai-tabare, Ao tai kaantaninga rekeni kab'aiami mani kurib'aiaia aomata iroumi. Ao ngkana a rikirake kaub'aimi, ao tai taku b'a e mena iai mwiokoni maiumi.

Te Minita 1:17

Ao i mwiina, I a iangoia b'a N na kakaaea taekan te wanawana ma te nanobaba. Ao i mwiina, I a kunea b'a ngaia bon iango aika akea nanoia aika kaanga kakiokioan te ang.

Te Minita 1:8

A kabotu kanoan te maiu ni kabane a ri aon ae e konaa n taekinaki. A aki konaa n rauaki matara ma taningara ni b'aai aika ti noori ma n ongo.

Te Minita 2:10

A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 3:19

Ti ikeike ao ti mate n ai aroia maan, ao ti aki raoiroi riki nakoia. Bon ti te b'ai ae akea nanona.

Te Minita 4:16

A bon aki konaa ni warekaki m'aitiia aomata ake a iria. Ma tabeua te ririki mangkai, ao bon akea naba temanna ae e na neboia, bon akea nanon te baei b'a boni kakiokioan te ang.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 5:9

I bukina ngke te kabanea n rietaata ni mataniwi te uea, ao e m'aiti riki tib'angana man te taekiti are e kab'akaaki man te aba.

Te Minita 6:7

Ti korakai i bukin karekean karara ae e tau, ma ti bon aki konaa n rauaki.

Mataio 6:19

Tai kaiko ami b'ai aika kakawaki i aonnaba, ike e kangi b'aai iai te koa ma te raraa, ao a ururu ma n irae iai taan ira;

Mataio 6:24

Akea te aomata ae kona n toro irouia tooka uoman: b'a ane e na riba temanna, ao e na karinea are temanna. Kam aki kona n toro iroun te Atua ma kaub'ain te maiu aei.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.