Te Minita 4:8 - Te B'aib'ara

⁸ N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 4:8 ပူးပေါင်းရင်းမြစ်များ

Karikani B'aai 2:18

Ao E taku te UEA ae te Atua, “E bon aki raoiroi b'a e na maiu te mm'aane n ti ngaia. N na karaoa raona ae e tau.”

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taian Areru 39:7

Te Uea, tera ae I kantaningaia? E mena au kaantaninga iroum.

Taeka n Rabakau 27:20

A aki konaa n rauaki te mate ma te ruanimate, ao ai bon ti te arona naba ma ngaira.

Te Minita 1:13

Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.

Te Minita 1:8

A kabotu kanoan te maiu ni kabane a ri aon ae e konaa n taekinaki. A aki konaa n rauaki matara ma taningara ni b'aai aika ti noori ma n ongo.

Te Minita 2:21

Ngkana ti kamanenai wanawanara, rabakaura, ao ara ataib'ai i bukin karekean ara b'ai, ao e aera b'a ti na manga katikui nakon temanna ae e bon aki m'akuri i bukin karekeaia? Bon akea nanon te iango aei, ao e kaairua.

Te Minita 2:23

E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 4:7

Ao I a manga nooria naba b'a bon akea nanon b'aai ni kabane n te aonnaba aei.

Te Minita 5:10

Ngkana ko tangira te m'ane ma te kaub'ai, ao ko na bon aki konaa n rauaki ni b'aai akana iroum. Bon akea naba nanon aei.

Te Minita 5:9

I bukina ngke te kabanea n rietaata ni mataniwi te uea, ao e m'aiti riki tib'angana man te taekiti are e kab'akaaki man te aba.

Itaia 5:8

Kam a reke n te kaangaanga ae buubura! Kam anaa te auti teuana i mwiin teuana ao te tawaana teuana i mwiin teuana, ni karokoa akea nikiran te tabo i bukiia riki tabeman i aon te aba ni kabutaa.

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Mataio 11:28

“Bane mai nako Iu, ngkami akana kam kua ao kam rawawata, ao N na motiki rawami.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

1.Ioane 2:16

B'a b'aai ni kabane aika mena i aonnaba, ae kaib'ab'arun te rab'ata, ma aia kaib'ab'aru maata, ma kainikatongan te maiu aei, a aki riki mairoun te Tama, ma a riki man te aonnaba ae bubure.