Te Minita 4:1 - Te B'aib'ara

¹ I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 4:1 ပူးပေါင်းရင်းမြစ်များ

Iobi 16:4

Ngke arona b'a I mena n tabo ane kam mena iai, ao e nang baiti te aro ni kabuakaka ke n anga taeka ni buobuoki.

Iobi 35:9

Ngkana a karawawataaki aomata, a ngirangira; ao a tangira temanna b'a e na buokiia.

Iobi 6:29

Kam a rangi n tibanako. An tai manga taekini taeka aika aki raoiroi. Tai kabuakakaai, b'a I bon tei n te eti.

Iobi 9:24

E anga te aonnaba te Atua nako ia aomata aika buakaka. E kamatakiia taani moti ni kabane. Ao ngkana tiaki te Atua ae karaoi, ao antai ae karaoi?

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 142:4

Ngke I tara rarikiu, ao I noria b'a akea ae na buokai, akea ae na kamanoai. Akea ae tabeakina maiu.

Taian Areru 142:5

Te UEA, I weteiko b'a Ko na buokai; te UEA, boni Ngkoe ae te tia kamanoai, Akea ae I kainanoia b'a ti Ngkoe n te maiu aei.

Taian Areru 42:3

Bon ti kanau rannimatau ni ngaina ao ni bong; Ao a aki toki ni kaangai nako iu au kairiribai, “E nga Atuam?”

Taian Areru 42:9

I kaangai nakon te Atua ae te tia kamanoai, Ko aera ngkai Ko m'anuokai? I aera ngkai N na teimatoa n rawaawata ni b'ainikirinau iroun te tia ribaai?

Taian Areru 69:20

A riki aia taetae n iowawa nako iu b'a uruan nanou, ao I rawaawata iai. I kaantaninga nanoangakiu, ma akea ae e reke; Ao akea naba ae e reke i bukini karauan nanou.

Taian Areru 69:21

Ngke I baki, ao a anganai te am'arake ae kanga e kaboitinaki; Ngke I taka, ao a anganai te moi ae mao ae kamangingi.

Taian Areru 80:5

Ko anganira te nanokawaki b'a ti na kanna, ao te boora ae kakanoa n te rannimata b'a ti na moi iai.

Te Otinako 1:16

“Ngkana kam kabungiia aine aika Ebera, ao kam na tiringa te tei ngkana te mm'aane, ma kam na kamaiua ngkana te aine.”

Te Otinako 1:22

Ao n tokina ao e kanakoa ana katanoata te uea nakoia ana aomata ni kaangai, “Anaia naati mm'aane ni kabane aika a tib'a bungiaki, aika Ebera, ao karenakoia nako nanon te Naire, ma kam na kamaiuia aine.”

Taeka n Rabakau 19:7

Ngkana kam kainano, ao ane a na katinanikuingkami akana bon am koraki, ao a na rangi ni buakaka riki nakoim ake raraom ngkoa. A na aki reke iroum ngkana kam kainanoia,

Taeka n Rabakau 28:3

Ngkana e a manga onomwi te aomata ae e maiu ni kainano mani kairiia aika a maiu ni kainano ni karawaawataia, ao bon kaanga ai aron te karau ae e korakora ae e uruan aron uitan te tawaana.

Taeka n Rabakau 29:2

Ngkana e tautaekana te botannaomata te eti, ao a na bane ni kukurei aomata; ao ngkana e tautaeka te kairua, ao a na bane ni kungkung aomata.

Te Minita 3:16

I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Te Minita 7:7

E kananobabaia aomata aika a iangoraoi te uruaki n nano, ao e konaa ni burimauniiko te kamaraato.

Te Minita 8:9

I noori baikai ni kabane ao I karawaawata iangoaia b'a ai tera ae e riki n te aonnaba aei. E aera ngkai iai tem'angina aika iai m'aakaia ni kaikoakia tem'angina?

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Itaia 51:23

Ma I a anga nakoia am kairiribai nako, ake a karikiko b'a te baareka ma n toubekaiko.”

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Ieremia 16:7

Bon akea ae e na uota te am'arake ao te wain ni buokiia ni karaui nanoia akana tang i bukin mateia tamaia ma tinaia.

B'aeb'aeti 1:16

Ao bon anne bukina ngkai a bon taonako rannimatau. Akea ae konaa ni karaua nanou; akea ae konaa ni kaungaa nanou. E a tia ni kataenikaiai au kairiribai; bon akea nikiran aia b'ai au aomata.

B'aeb'aeti 1:17

I anganako baiu, ma bon akea ae kani buokai. E a tia ni karokoia au kairiribai te UEA man taabo nako. A karaoai b'a kaanga te b'ai ae kam'araa.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

Amota 3:10

E taku te UEA, “A kaikoi ni mwengaia b'aai aika a reke man m'akuri ni iowawa, ao man m'akuri aika a bure, b'a aki ata te riai.

Amota 3:9

Tuangiia ake a maeka ni bareti ake i Aikubita ma Atitota b'a ana bane n roko n ikotaki i aon maunga ake a katobibia Taamaria b'a ana noori taiani bure ma kairua ake a karaoaki i nanona.

Maraki 2:13

Ao tera riki baika kam karaoi? Kam tang ni karongoa ao kam kaiekaa ana baonikarea te UEA n ranin matami, i bukina ngkai E aki kukurei iroumi n ami angab'ai ao e aki kan butim'aai.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 26:56

Ma a riki baikai b'a a na kakoauaki aia koroboki burabeti.” Ao a bane ana reirei ni kitanna, ao a biri nako.

Te Tua-Kaua 28:33

Ane kam na m'akuri korakora n ami nne n aroka, ma b'aai ni kabane akana kam taii a na manga kanaki ni kabane irouia i anena, ake a na karaoa ae aki raoiroi ao n taekini taeka aika rangi ni buakaka.

Te Tua-Kaua 28:48

ao ane na kanakoia ami kairiribai b'a a na buakaningkami ma n anai ngkami b'a aia taenikai. Ao i mwiina, kam na maeka ni kainano b'a akea kanami ma nimami, ke kunnikaimi, ao a na kam'akuringkami ami toka n te m'akuri ae rawaawata ni karokoa matemi.

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.

Tani Motiki-taeka 4:3

Bon iai ana kaanibuaka Iabin aika taian biti aika m'aitiia 900, ao e karawawataai maiuaia Iteraera i nanon 20 te ririki, ni karokoa a bubutiia te UEA buokaia.