Te Minita 3:2 - Te B'aib'ara

² Iai te tai i bukin te bungiaki ao te mate, te tai n ununiki ao te tai ni bobooti uaa,

Te Minita 3:2 ပူးပေါင်းရင်းမြစ်များ

Karikani B'aai 17:21

Ma N na kaawakina au berita ma natim te mm'aane are Itaaka, are e na bungiia Nei Taara n te tai ae ai aron naba aei n te ririki ae na roko.”

Karikani B'aai 47:29

Ao ngke e a kaan ana tai ni mate, ao e a wetea natina are Ioteb'a, ao e taku nako ina, “Kaamai baim b'a N na taubai ma ngkoe, ao ko na berita nako iu b'a ko na aki tauna rab'atau i aon Aikubita.

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

2.Uea 4:16

Ao e taku Eritai nako ina, N te tai naba ae ai aron aei n te ririki ae e na roko ao ko na b'ab'akoa ae bon oin natim te m'aane i m'anokani baim. Ao e taku neierei, I butiiko b'a ko na aki keweai b'a ana Aomata te Atua ngkoe.

Iobi 14:14

E kona ni manga maiu te aomata ngkana e a mate? N na tataningai boong aika raoiroi, boong ake a na toki iai kangaanga aikai.

Iobi 14:5

A kaman baaireaki ara bong ni maiu, ao e mena ara tai i Rouna, ao E a tia ni baairea are ti na aki kona n ri aona.

Iobi 7:1

Ti te bo maiun te aomata ma te m'akuri n tautia; kaanga ai aron te kam'akuri ae matoatoa ae karaoia te aomata ni bon rab'atana.

Taian Areru 113:9

E kakukureia te aine ae kanoabo man anganna ana kariki ni karikiia natina. Takaruaea kamoamoaan te UEA!

Taian Areru 52:5

Ma ngaia ae E na urua arom ni kainikatonga te Atua; E na tauko ma te matoa ni katikiko nako mani mwengam; E na anaa maium.

Taeka n Rabakau 24:27

Katauraoi moa am tawaana ao uniki arokam i m'aain katean mwengam.

Itaia 28:24

A aki ti kamaraua ma n urua te tano taani ununiki.

Itaia 38:1

Ni bon te tai naba anne, ao e a aoraki Etekia ao e a kani mate. Ma ngaia are, I a nakoina ao I taku, “E taku te UEA b'a ko na aki marurung. Ko nang mate, ma ngaia are, ko a riai ni karaoi m'akuri aika a kainanoaki aika a riai ni katiaaki.”

Itaia 38:5

i bukin Etekia ae e kaangai: Bon te UEA Ngai ae te Atua, ae I taataromauriaki iroun am bakatibu are Tawita, I a tia n ongo am tataro, ao I nooriko ngke ko tang. N na kamaiuko riki i nanon tebwi ma nimaua te ririki,

Itaia 54:1

Anene n taakarua; e ngae ngkana ko tuai mani kariki! E a tia ni berita te UEA nakoim b'a a na manga reke riki natim nakon temanna ae e a tia ni mare n te tai ae e a maan.

Ieremia 1:10

ao I kanakoko ma te m'aaka ae tab'anin raoi n taetae nako ia botannaomata i buku. Ko na taekinna nako ia kabuanib'aia ao uruaia, ao manga teirakeia ao te manga kateitei.”

Ieremia 45:4

Ma I urui ni kab'akai b'aai nako aika I katei ma n taeki aika I uniki ni kabutaa te aonnaba.

Mataio 13:41

Ane E na kanakoia ana anera Natin te Aomata, ao a na botiia mai buakoia kaain ueana te koraki ake a riki b'a taani kab'akab'aka nakoia aomata, ao koraki ni kabane ake a kakaraoa ae buakaka;

Mataio 15:13

Ao E kaekaia Iesu ni kangai, “A na bane ni koutaki aroka nako aika aki unikaki iroun Tamau are i karawa.

Ruka 1:13

Ma e taku te anera nako ina, “Tai maaku, Takaaria! b'a E ongo am tataro te Atua, ao buum ae Nei Eritabeta, ane e na bungia natim te mm'aane, ao ko na aranna b'a Ioane.

Ruka 1:20

Ao noria, ane e na bua b'anaam ao ko na aki kona n taetae ni karokoa te bong are a na kakoroaki iai nanoni baikai, i bukina b'a ko a tia n aki kakoauai au taeka aika a na kakoroaki bukiia ngkana a roko taiia.”

Ruka 1:36

Ao noria, e a tia am koraki are Nei Eritabeta ni bikoukoua te nati te mm'aane ngkai e a boni kara; ao ai ana kaonoua n nam'akaina aei ni bikoukou neiere atoatongaki b'a e kanoabo.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

Ioane 7:30

A ukoukora te anga ae a na taua iai, ma akea temanna ae roko baina i aona, i bukina b'a e tuai ni bo ana tai are E na tauaki iai.

M'akuri 7:17

Ma ngke e a kaan te tai are E nang kakoroa iai bukin ana taeka n akoi te Atua are E tuanga Aberaam, ao e a tia n raka rake m'aitiia ara aomata ni kabatiaaki riki i Aikubita,

M'akuri 7:20

Bon aei te tai are e bungiaki iai Mote, ao te teei ngaia ae moan te tikiraoi taraana. E kawakinaki ma n tararuaki raoi i nanon tenua nam'akaina n ana auti tamana,

I-Karatia 4:4

Ma ngke e a koro raoi taina, ao te Atua E kanakoa Natina. E bungiaki iroun te aine, ao E mena i aan te Tua,

Te Tua-Kaua 34:5

Ma ngaia are, e mate ana Toro te UEA are Moote ikekei i aon Moaaba n aron are a tia n taekinna te UEA.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

1.Tamuera 2:5

Aomata ngkoa ake a m'aiti kanaia a nang kabooi nako ngkai rab'ataia ti i bukin te m'akoro ni kariki. Ma Ko anganiia aika akea kanaia te am'arake ae moan te bati. Te aine ae akea natina, Ko anganna itiman natina, ma te aine ae m'aiti natina e tiku ma akea natina.