Te Minita 3:19 - Te B'aib'ara

¹⁹ Ti ikeike ao ti mate n ai aroia maan, ao ti aki raoiroi riki nakoia. Bon ti te b'ai ae akea nanona.

Te Minita 3:19 ပူးပေါင်းရင်းမြစ်များ

2.Tamuera 14:14

Ti na bane ni mate ma ni mauna nako kaanga te ran ae e kab'aroaki i aon te tano. Ma E aki anai maiura te Atua, ma n onea mwiin anne, E a manga bon karekea te kawai are ti na manga oki iai ngkana ti biri nako.

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taian Areru 49:12

E aki kona kakannaton te aomata n tuka matena; E na boni mate naba n ai aroia maan.

Taian Areru 49:13

Aio tokiia akana onimakiniia i bon irouia, Ao aroia naba akana onimakin taeka n nanobaba:

Taian Areru 49:20

E aki kona kakannaton te aomata n tuka matena; E na mate n ai aroia naba maan.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 1:17

Ao i mwiina, I a iangoia b'a N na kakaaea taekan te wanawana ma te nanobaba. Ao i mwiina, I a kunea b'a ngaia bon iango aika akea nanoia aika kaanga kakiokioan te ang.

Te Minita 2:14

Maata aika uoua aika a raraoi kaanga ai aron te wanawana; ao te nanobaba e katikuko i nanon te roo. Te wanawana ke te nanobaba, ma ti te bo tokira.

Te Minita 2:16

Ti wanawana ke ti nanobaba, ti na boni bane naba ni mate ma ni m'aninga te aba taekara.”

Te Minita 7:2

E raoiroi riki irakin te bootaki n taunimate nakon irakin te baka n am'arake, a kauringiira taian taunimate b'a ti na manga boni bane naba ni mate.

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Te Minita 9:2

Ma ni koauana raoi e na bon ti te bo te b'ai ae e na riki naba nakoira ni kabane n tokina, e ngae ngkana tao ti maiuakina te raoiroi ma ni karinea te Atua, ke ngkana tao ti bure ma n aki karinea te Atua. Eng, e na bon riki naba te b'ai ae ti te bo ngkana ti anga ara karea nakon te Atua ke ngkana ti aki, ke ngkana ti kakoroa bukin ara berita ke ngkana ti urui.

Warekaia Iteraera 16:29

Ngkana a mate mm'aane aikai n aron mateia aomata nako, ao ngkanne, ngaia e bon eti ae E aki rineai te UEA