Te Minita 3:16 - Te B'aib'ara

¹⁶ I noora te waaki ae e buakaka, ao ae e aki eti n taabo nako n te aonnaba n onea mwiin te waaki ae e raoiroi ao ae e eti.

Te Minita 3:16 ပူးပေါင်းရင်းမြစ်များ

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Te Minita 5:7

Karinea ao ongotaeka iroun te Atua! E na kairiko te iango ni mii nakon taetae aika akea nanoia.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Te Minita 8:9

I noori baikai ni kabane ao I karawaawata iangoaia b'a ai tera ae e riki n te aonnaba aei. E aera ngkai iai tem'angina aika iai m'aakaia ni kaikoakia tem'angina?

Itaia 59:14

E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Mika 7:3

A rangi n rabakau ni karaoan te m'akuri ae e buakaka. A ukoukora te kamaraato b'aakuaku ma Taani Motikitaeka. A mara atoia taan tautaeka, ao a kangaraoi mooti nakon nanoia ake a kamarai atoia

Teb'ania 3:3

A bekorara aia mataniwi n ai aroia raian. Ai aroia kameanti aika bora ni baki ana taan motikitaeka, e aki kona n tiku nikiran kanaia nakon te ingabong.

Mataio 26:59

Ao ibonga ake mataniwi ma kaain te Tanirim ni kabaneia a ukoukora bukinan Iesu aika aki koaua, b'a a na kamatea;

M'akuri 23:3

Ao e taku ngkanne B'auro nakoina, “E nang oroiko te Atua, ngkoe ae te o te bono ae kamainainaki! b'a ko tekateka ni motika taekau ni kaeti ma taekan te Tua, ao ko ri aon te Tua ngkai ko tua b'a N na oreaki!”

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?