Te Minita 3:11 - Te B'aib'ara

¹¹ E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Te Minita 3:11 ပူးပေါင်းရင်းမြစ်များ

Karikani B'aai 1:31

Ao E noori b'aai ni kabane te Atua ake E a tia ni kariki, b'a a raoiroi. E tairiki, ao e ngaina ao bon te kaonoua ni bong.

Iobi 11:7

Ko kona ni kunea tian ma tokin korakoran, ao m'aakan te Atua?

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Taian Areru 104:24

Te UEA, ai batiraa am M'akuri! Ko a rabakau ra ni karaoi! A on aonnaba ni baika iai te maiu iai.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Te Minita 1:13

Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.

Te Minita 11:5

Bon akea temanna ae e konaa ni kab'arab'araa, b'a e kangaa te ataei ni ikeike i m'aain bungiakina. Ma ngaia are, e na kangaa te aomata ni kab'arab'araa, b'a tera ae e karaoia te Atua? E ngae ngke E bon kariki b'aai ni kabane.

Te Minita 7:13

Iangoi b'aai aika e a tia ni karaoi te Atua! Ngkana arona b'a e kab'aouai b'aai te Atua, ko konaa ni manga kaeti?

Te Minita 7:23

Ao I taku i boni inanou b'a N na tim'aati ao N na kataia n atai b'aai ni kabane aikai, ma e rangi n ri aon ae I konaa.

Te Minita 7:29

Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Te Minita 8:17

I noori b'aai ni kabane aika e karaoi te Atua, ao I a ataia b'a bon akea temanna ae e konaa n atai aroia. Ti konaa n rangi ni wanawana, ma bon akea boonganana b'a tao m'aitira ara tai ni kataia, ke n taekinna b'a ti ataia, ma ti bon aki atai b'aai n aroia ni kabane.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 13:22

Ao are unikaki i buakoni kaai aika kateketeke bon ane ongo ana taeka te Atua; ma n iango n raraoma nako i bukini b'ain te maiu aei ma mataiakinani kaub'aina a karib'a te taeka, ao e aki kariki uaa.

Mareko 7:37

Ao aomata ake a ongo, a rangi ni mimi. A taku, “A nako raoi b'aai ni kabane ake E karaoi: b'a E karaoia aika a bono taningaia b'a a na ongo, ao aika a bae neweia b'a a na taetae.”

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Rom 11:33

Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.