Te Minita 2:9 - Te B'aib'ara

⁹ Boni ngai te kabanea n tanoata taekau mai buakoia aomata nako aika a tia ni maeka i aon Ierutarem, ao I bon rangi ni wanawana.

Te Minita 2:9 ပူးပေါင်းရင်းမြစ်များ

1.Uea 10:23

Boni ngaia te kabanea ni kaub'ai ao ni wanawana ni uea n te aonnaba.

1.Uea 10:7

Ma I bon aki kakoauai ni karokoa I a bon nooria ni matau. Ao ngaia a m'aiti riki b'aai aika I aki ongo taekaia. Ko wanawana riki ao ni kaub'ai riki nakon are I a tia n kaongoaki.

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Rongorongo 29:25

E karaoa Toromon te UEA b'a te uea ae e kakannato, ao a bane botannaomata ni kabane ni mimi n tanoatan taekana. N te koaua, ao bon akea uean Iteraera ae ai aron kakannaton Toromon.

2.Rongorongo 1:1

Ao e a matoa ana tautaeka n abanueana ni kabutaa ngkai te uea are Toromon are natin Tawita, i bukina b'a e a tia te UEA ae te Atua ni kakab'aia ma ni karikia b'a te uea ae korakora.

Te Minita 1:16

I taku nako iu “Bon ngkoe te kabanea ni wanawana nakoia aika a tia ni maeka i aon Ierutarem. E korakora nanom ni kan atai b'aai nako, ao ko a tia ni karekea am atatai ae e rangi ni m'aiti.”

Te Minita 5:11

M'aitin am b'ai, boni m'aitin naba ae a kaantaningaia aomata nako mairoum. Bon akea te b'ai ae e raoiroi ae e na anganiko am m'ane—ane a na kabanea tem'angina i bukim.