Te Minita 2:4 - Te B'aib'ara

⁴ I karaoi b'aai aika a ab'ab'aki. I katei taian auti ao I uniki nne n aroka ni kureebe aika a m'aiti.

Te Minita 2:4 ပူးပေါင်းရင်းမြစ်များ

Karikani B'aai 11:4

Ao a taku, “Ti nang karaoa ngkai te kaawa ae buubura ae iai tauana ae roota karawa, b'a ti na karekea atongara iai, ao ti na aki manga uamaae nako n te aonnaba.”

2.Tamuera 18:18

Ngke e bon maiu ngkoa Abetarom ao E a tia ni katea kanuringana n te m'arua are Aia M'arua Uea. Ao e kab'arab'araa iai ni kaangai, “Akea natiu te m'aane ae e na kateimatoa arau.” Ao e aranna b'a Kanuringan Abetarom, ao e bon tiku naba arana anne ni karokoa boong aikai.

1.Uea 15:19

“A tia ni karaoa te boraraoi n raoi tamara. Ao e aera ngkai ti aki katotongiia? Ao aikai taiani b'aintangira nakoim aika koora ma tirewa. Ma ngaia are, ko konaa n urua am boraraoi n raoi ma Baatia b'a e aonga ni kiitana abau?”

1.Uea 9:1

A tia ni karaoaki Ana Tembora te UEA ao ana bareti Toromon, ao e a tia Toromon ni karaoi b'aai ni kabane ake e tangiri.

1.Rongorongo 27:27

Te tia tararua te nnenaroka i bukin te kureebe bon Timei are kaain Ram'a, ao Taberi are kaain Tibema boni ngaia are e tararua te ruunib'ain.

2.Rongorongo 26:10

E boni karaoi naba taian taua n taratara n te rereua. Iai ana nanai ni man ae moan te korakora i oin taian tabuki ake i maeao, ao n aaba aika a aoraoi, ike iai nnen taian ran aika a kenaki i bukin rawean te karau. E rangi n tatangira te ununiki, ai ngaia are, a m'aiti arokana n te tawaana, ao taian kureebe aika e uniki i aon aaba ake a tabukibuki ike iai te bon ae raoiroi, ao e kabooia taan ununiki b'a a na tararuai.

2.Rongorongo 8:11

Ao buun Toromon are natin uean Aikubita e kitana m'akoron Ierutarem are e atongaki b'a ana Kaawa Tawita nakon ana bareti ae e boou are e a tib'a tia ni karaoia Toromon. A aki riai ni maeka buun Toromon n ana Kaawa Tawita i bukina ngke e tabu b'a e mena iai te Atiniberita.

Taian Areru 49:11

E riki te ruanimate b'a neia n aki toki, A tiku iai n taai nako, ngke bon iai ngkoa oin abaia.

Ana Anene Toromon 1:14

Boni ueeni kaai ngkoe man te nnenaroka are En Keri.

Ana Anene Toromon 7:12

Ao ti na utinako n te kaarangaina n noori kureebe ao kainam'arake ngkana tao a uee. N na anganiko au tangira, ngkana ti roko ikekei.

Itaia 5:1

N na anenea te anene ae tangin ana nne n aroka ni kureebe raoraou are e mena n iteran te tabuki ae e maiu tanona.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”