Te Minita 2:24 - Te B'aib'ara

²⁴ Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Te Minita 2:24 ပူးပေါင်းရင်းမြစ်များ

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Te Minita 2:10

A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 2:25

ao bon akea ae e kukurei riki n am'aam'arake ma ni maiu riki nakon ae I karaoia.

Te Minita 2:3

I kani kakaaea b'a tera te kabanea n raoiroi i bukira n te tai ae e uarereke aei i aon te aonnaba. Ma ngaia are, I iangoia b'a N na kakukureiai n te wain, ao ni kakaaea b'a tera nanon te riki n nanobaba, ngkana I bon aki nanobaba raoi.

Te Minita 3:22

Ti bon nanonaki b'a ti na kukurei n ara m'akuri, ao bon anne te b'ai ae ti konaa ni karaoia. Ti bon aki konaa n atai boong aika a na roko.

Te Minita 5:17

I rarikin aikai, ao a aki toki n am'aam'arake n te roo, a aki rau, a aoraki ao a un.

Te Minita 6:12

E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Te Minita 6:2

Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!

Te Minita 8:15

Ma ngaia are, I iangoia b'a ti na karekei ara b'ai man te maiu n aron are ti konaa ni karekei. Bon akea riki te b'ai ae e raoiroi nakon ae te kakukureira ni kanara ao nimara ao reken te tai ae e raoiroi. Ao n te aro anne, ti na konaa iai n ri nanon kangaangan te maiu, n aron are e a tia n anganiira te Atua n te aonnaba aei.

Itaia 56:12

Kam taku i bon iroumi, “Ti na mooi ni karokoa ti a manging! Ao ti na manga karaoia nakon te ingabong. Ti na bon kakukureira.”

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

1.I-Korinto 15:32

Ngke arona b'a I un ma maan aika tiritiri i Ebeto ao I b'aina te nano n aomata, ao tera manenana i rou? Ngkana arona b'a a aki manga kamaiuaki maate, ao e kangai te taeka n rabakau teuana, “Ti na am'arake ma ni mooi, b'a ae ti na mate ningabong.”

Te Tua-Kaua 12:12

ngkami ma ami utu, ao ami toro, ao kam na bootaki n te tabo n taromauri, b'a E a tia te UEA ae Atuami n anganingkami te totokanikai ni b'aai ni kabane aika kam a tia ni karaoi.

Te Tua-Kaua 12:18

ao a kona naba ni kang baikai aomata aika a kam'araa, ma a aki tau nakon te taromauri.

1.Timoteo 6:17

Ko na tuangiia akana kaub'ai ni b'ain te maiu aei, b'a a na tai kainikatonga ao a na tai onimakina te kaub'ai ae aki teimatoa; ma a na onimakina te Atua, ae kabane b'aai ni kabatiai n anganira b'a ti na kukurei iai.