Te Minita 2:23 - Te B'aib'ara

²³ E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 2:23 ပူးပေါင်းရင်းမြစ်များ

Karikani B'aai 3:17

Ao E a manga taku nakon teuarei, “Ao ngkoe ngkai ko ongo b'anaan buum ni kana naba te uaanikai are I a tia n tuangko b'a ko na aki kanna, ao ngkai, N na katekebuaka te tano. Ane ko na m'akuri korakora ni kabane bongin maium n riribanaa te tano i bukin karekean kanam.

Karikani B'aai 47:9

Ao e taku Iakob'a, “M'aitin au ririki i nanon maiu ae te m'am'ananga bon tebubua tenibwi te ririki. Ao ririkini maiu aikai a bon kimototo, ao a kamaamate, tiaki aron anaanaun ririkin maiuia au bakatibu i nanon maiuia naba ni m'am'ananga.”

Etita 6:1

Ao e aki reke matuun te uea n te tairiki arei. Ma ngaia are, e tuatua b'a a na uotaki bokin te tautaeka aika a kakaawaki nakoina, ao a warekaki nakoina.

Iobi 14:1

Ti bane ni bungiaki ni mamaara. A kimototo, ao a kangaanga maiura ngaira aikai ni kabane.

Iobi 5:7

E bon aki! E bon karika te kangaanga te aomata i bon i rouna, kaanga ai aron te m'aakaro n ai ae e kibanako mai nanon te ai.

Taian Areru 127:2

E matebuaka te kamarurung n tarai-aro i bukini maium, n uti nako i m'ain otin taai ni m'akuri ni karokoa ae e a tai-raa: B'a E kareke b'aai te Atua nakoia akana E tangiriia, n aia tai ni matu.

Taian Areru 32:4

Ko karawawataai ni ngaina ao ni bong; ao E kerikaki n akea nikirani korakorau, n ai aron ae e m'auteretere ni kabuebueni bongin te aumeaang.

Taian Areru 90:15

Ko na kabati kukureira n ai aroni m'aitin ara tai n nanokawaki n ririkini maiura ake ti karawaawataaki iai.

Te Minita 1:13

Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.

Te Minita 1:18

M'aitin rabakaum boni m'aitin marakim; m'aitin am ataib'ai, boni m'aitin korakaim.

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Te Minita 5:12

Ngkana ko m'akuri korakora i bukin maium, ao ko na boni motirawa raoi n te tairiki, e ngae ngke e aki rangi n tau m'aitin kanam. Ma ngkana ko kaub'ai, ao ane ko na aki konaa ni matu raoi.

Te Minita 5:17

I rarikin aikai, ao a aki toki n am'aam'arake n te roo, a aki rau, a aoraki ao a un.

Te Minita 8:16

I aki mamatu ni bong ao ni ngaina, b'a I kan ataia b'a tera ae e riki ngkai n te aonnaba aei.

Taniera 6:18

Ao i mwiina, e a okira ana bareti te uea, ao e aki matu ni kangainaa, ao e aki am'arake, ao akea naba te kamataku nakoina.

M'akuri 14:22

ni kakorakorai nanoia taan onimaki, ao ni buokiia b'a a na botum'aka n onimaki, ao a kaangai, “Ti riai n ri nanon rawawata aika bati b'a ti aonga n rin n Uean te Atua.”