Te Minita 2:13 - Te B'aib'ara

¹³ Ao I kunea b'a e raoiroi riki te wanawana nakon te nanobaba, kaanga ai aron te oota ae e raoiroi riki nakon te roo.

Te Minita 2:13 ပူးပေါင်းရင်းမြစ်များ

Taian Areru 119:105

E riki am Taeka b'a kanga te taura ni kaota kawaiu n nakonako.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taeka n Rabakau 14:8

Akea aia kangaanga aomata aika a wanawana ngkana a kakaaea kawaia, ma a waekoa ni bua aomata aika a nanobaba.

Taeka n Rabakau 16:16

E rangi n raoiroi b'a kam na wanawana ma ni iango raoi nakon ae kam na kaub'ai.

Te Minita 10:10

E na boni kangaanga kabonganaan am tanai ngkana ko aki taimma; ngkana ko tim'aati, ao ko na bon ataa te b'ai ae ko na karaoia.

Te Minita 11:7

Bon akea n te aonnaba ae e tamaroa riki nakon taain te moaningabong.

Te Minita 7:19

E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.

Te Minita 9:16

I iangoia b'a e raoiroi riki te wanawana nakon te korakora. Ma ngkana ko maiu ni kainano, ao bon akea temanna ae e kubariko, e ngae ngkana ko tim'aati.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Mataio 6:23

ma ngkana e buakaka matam, ao e na buta rab'atam ni kabanea n te roo. Ao ngkana bon te roo naba te oota i nanom, ao ai bati ra te roo!

I-Ebeto 5:8

B'a kanga te roo ngkami ngkoa, ma ngkai ai kanga te oota, ngkai kam a onimakina te UEA. Kam na nakonako n ai aroia natin te oota;