Te Minita 2:10 - Te B'aib'ara

¹⁰ A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 2:10 ပူးပေါင်းရင်းမြစ်များ

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

Iobi 31:1

I a tia ni karaoa te berita ae matoa b'a N na aki manga taratara te ataei n aine ma te kaitataan.

Taian Areru 119:37

Kawakinai man iaiangoani baika akea bonganaia, Ao anganai te maiu n iran nanom.

Taian Areru 128:2

Ane ko na kana uaani mwin am M'akuri; ko na kukurei ma n tetekeraoi.

Taeka n Rabakau 23:5

E na kibanako ami m'ane i m'aain ae kam a ataia, n ai aron te ikare ae e karina ni kiba nako.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 2:1

I taku nako iu, “Kakukureiko, kamaiua nanom!” Ma bon akea nanon te iango aei.

Te Minita 2:22

Tera te b'ai ae ti karekea man ara m'akuri korakora?

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Te Minita 3:22

Ti bon nanonaki b'a ti na kukurei n ara m'akuri, ao bon anne te b'ai ae ti konaa ni karaoia. Ti bon aki konaa n atai boong aika a na roko.

Te Minita 5:10

Ngkana ko tangira te m'ane ma te kaub'ai, ao ko na bon aki konaa n rauaki ni b'aai akana iroum. Bon akea naba nanon aei.

Te Minita 5:17

I rarikin aikai, ao a aki toki n am'aam'arake n te roo, a aki rau, a aoraki ao a un.

Te Minita 5:18

Tera te b'ai ae e rangi ni kakaawaki ae e riai ni karaoaki n te maiu ae e rangi ni uarereke ae e anganiira te Atua? I taku b'a ti riai ni kukurei n te am'aam'arake, te momooi, ao te m'akuri korakora.

Te Minita 6:2

Ngkana tao e anganiko te Atua b'aai nako aika ko tangiri n aron te m'ane, am b'ai, ao te kaub'ai. I mwiina, e a manga aki kakukureiko te Atua n am b'ai, b'a a manga reke ni kabane am b'ai iroun te aomata ae ko aki kinaa. Bon anne te iango ae akea nanona ao moan te aki eti!

Te Minita 6:9

E raoiroi riki te kukurei n te b'ai ae iai iroum nakon tangiran riki b'aai tabeua, b'a bon akea nanon anne b'a bon ti kakiokioan te ang.

Te Minita 8:15

Ma ngaia are, I iangoia b'a ti na karekei ara b'ai man te maiu n aron are ti konaa ni karekei. Bon akea riki te b'ai ae e raoiroi nakon ae te kakukureira ni kanara ao nimara ao reken te tai ae e raoiroi. Ao n te aro anne, ti na konaa iai n ri nanon kangaangan te maiu, n aron are e a tia n anganiira te Atua n te aonnaba aei.

Te Minita 9:6

A kaai ni mauna nako ma aia tangira, aia riribai ao bakantangiia. A aki konaa te manga ira buakon b'aai aika a riki n te aonnaba aei.

Te Minita 9:9

E kimototo te maiu aei, ao ko tangira buum, ma ngaia are, kakukureiko ni mena i rarikina. Bon aei te b'ai ae ko kaantaningaaki b'a ko na karaoia, ngkai ko tabe ni korakai n te maiu n te aonnaba aei.

1.Ioane 2:16

B'a b'aai ni kabane aika mena i aonnaba, ae kaib'ab'arun te rab'ata, ma aia kaib'ab'aru maata, ma kainikatongan te maiu aei, a aki riki mairoun te Tama, ma a riki man te aonnaba ae bubure.

Tani Motiki-taeka 14:2

Ngke e a okira mwengana, ao e a taku nakoia ana karo, I nora temanna te aine i Timna, ao I tangiria n anaia b'a bu. Kam na kabutaa au man nakoina.