Te Minita 2:1 - Te B'aib'ara

¹ I taku nako iu, “Kakukureiko, kamaiua nanom!” Ma bon akea nanon te iango aei.

Te Minita 2:1 ပူးပေါင်းရင်းမြစ်များ

Karikani B'aai 11:7

Ti na ruorikaaki ngkai ni kaminoa aia taetae b'a aonga n aki atai nanon aia karaki i bon irouia.”

2.Uea 5:5

ao e taku te uea, “Naako kawaria. N na anganiko te reta ae ko na uotia n angan uean Iteraera.” Ao e m'ananga Naaman, ao e uoti 340 te kirokuraem te tirewa, 68 te kirokuraem te koora, ao 10 taiani kunnikai aika a boou.

Taian Areru 10:6

E taku n ana iango, “E nene ni matoatoa au waaki! N na teimatoa n tiitiku n rau raoi n arou aio.”

Taian Areru 14:1

Bon ti te aomata ae e nanobaba ae e kona ni kaangai, “Akea te Atua.” Akea bonganaia aomata aikai; Akea irouia ae karaoa ae e raoiroi, ao akea te raoiroi i nanoia.

Taian Areru 27:8

E tuangai nanou b'a N na tataro. E ingainga nanou ni kan nora matam,

Taeka n Rabakau 14:13

E karabaa te nanokawaki i tinanikun te ngare ao e na toki te kukurei n te nanokawaki.

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 2:10

A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 2:15

N tokina, I taku nako iu, “Te wanawana e uotai nakon te akea! Bon ti te bo naba are e riki irou, ma are e riki iroun te nanobaba. Bon akea nanoni b'aai nako.

Te Minita 2:25

ao bon akea ae e kukurei riki n am'aam'arake ma ni maiu riki nakon ae I karaoia.

Te Minita 7:4

A tang aomata aika a iangoraoi ma a aki toki ni ngare aomata aika a nanobaba.

Te Minita 8:15

Ma ngaia are, I iangoia b'a ti na karekei ara b'ai man te maiu n aron are ti konaa ni karekei. Bon akea riki te b'ai ae e raoiroi nakon ae te kakukureira ni kanara ao nimara ao reken te tai ae e raoiroi. Ao n te aro anne, ti na konaa iai n ri nanon kangaangan te maiu, n aron are e a tia n anganiira te Atua n te aonnaba aei.

Itaia 5:5

Ao ngkai N na tuangko b'a tera ae N nang karaoia. N nang korei aroka ake oona ao N na kab'akai atiibu. E na toubekaaki au nne n aroka ni kureebe ma n tiku n uruaki.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 50:5

E karaoai b'a N na kakauongo ma n aki mangao ke ni biri nako.

Ruka 12:19

Ao N na kangai nako iu, ‘Nao, a bati am b'ai aika kawakinaki i bukin ririki aika na roko; aoriko am'arake, mooi, ao kim'areirei.’ ”

Ruka 16:19

Temanna te aomata ngkoa ae kaub'ai, ae e kunnikainna ni kunnikai aika bo buaka aika uraro ao a mainaina, ao e kukukurei n am'arake raoi n te bong ae koraki.

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Iakobo 4:13

Ongora ngkai, ngkami akana kam kaangai, “N te bong aei ke ningabong, ao ti na nako n te kaawa arei b'a ti na tiku iai teuana te ririki ni wakina ara bitineti iai, ao ti na karekei rakan ara b'ai.”

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Iakobo 5:5

Kam a tia ni maiu ni kaub'ai ma n iri kukurein rab'atami n te maiu aei. Kam a tia ni kamarikaingkami i bukin te bongi ni kamamate.