Te Minita 12:5 - Te B'aib'ara

⁵ Ane ko na maaku n tam'arakea te tabuki ke ni kabuanib'ain nanon te kawai; Ane e na mainaina iran atuum kaanga ueen te amon. Ane ko na aki namakina te marurung, ao ko na kookookiko kaanga te taake. Ti na nako naba ngaira n tatabemaniira nakon mwengara are akea tokina, ao e na onrake nanon te kawai irouia aomata aika a tanginiwenei. Ti na bane n nako ni mwengara are aki totoki ao ana bane n onrake kaawa irouia aika nanokawaki.

Te Minita 12:5 ပူးပေါင်းရင်းမြစ်များ

Karikani B'aai 42:38

Ma e taku Iakob'a, “E aki kona n iriko natiu te mm'aane; b'a e a tia ni mate tarina, ao ai bon tii ngaia ngkai. E kaawa ni manga riki te b'ai teuana nakoina i aon te kawai, ao I a bon rangi ni kara, ao ane N na waekoa ni mate iai.”

Karikani B'aai 44:29

Ao ngkana kam a manga anaa natiu aei ngkai mairou, ao ane N na boni mate n te kangaanga ae kam karaoia nako iu ngkai I a bon aki konab'ai b'a I a kara.’

Karikani B'aai 44:31

E bon rangi n tangira natina anne, ao e na bon mate iai b'a e aki kona ni kaitaraa te rawaawata ngkai e a boni kara.

Iobi 15:10

Ti karekei rabakaura mai rouia aomata aika iaia atuuia, koraki ake a kamani bungiaki i m'aain tamam.

Iobi 17:13

I a tiku ma kakantaningaan abaia maate. N na arora kieu ni wene ikekei n te rotongitong.

Iobi 30:23

I ataia b'a Ko uotai nakon te mate, nakon te tabo are tokiia aomata ni kabane.

Taian Areru 71:18

Te Atua, tai kaaki taekau ngkai I a kara ao e a iaia iran atuu! Ko na raonai n au tai n tataekin am M'akuri ake ab'ab'aki ma ni kamimii nakoia roroo nako aika na roko.

Taeka n Rabakau 16:31

Bon te baunuea ae mimitong te ira ae e iaia ao e kabonganaaki irouia aika a tia ni maiuakina te raoiroi.

Taeka n Rabakau 20:29

A kainikatonga ni korakoraia aomata aika rikirake, ma a taamaroa riki, aika a iaia atuuia ao a wanawana.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 46:4

Ao N na bon karaoa naba anne ngkana kam a kara ma ni iaia, ao N na bon kaawakiningkami. I karikingkami. I uotingkami ao I tararuaingkami n taai nako.

Ieremia 1:11

Ao te UEA, e kaota nako iu te b'ai teuana n te mii. Ao i mwiina E titirakinai ni kaangai, “Tera ae ko nooria, Ieremia?” Ao I kaeka ni kaangai, “M'aangan te kai ae te amon.”

Ieremia 9:16

N na kamaenako ia i abaia ianena ae a tuai man ongongo taekana ma aia bakatibu. Ao n tokina, N na kanako ia kairiribai b'a a na tiringaia nikiraia.

Nakoaia Ibonga 19:32

I tuangngkami b'a kam na kaota karineakiia aomata aika a kara, ao ongotaeka nako Iu n te maaku ma te rurubenebene.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;