Te Minita 12:2 - Te B'aib'ara

² N te bong teuana ao ane e na mamaara ootan taai ma nam'akaina ao taiani itoi nakoim. A na teimatoa ietan atuum taian nangi ni karau.

Te Minita 12:2 ပူးပေါင်းရင်းမြစ်များ

Karikani B'aai 27:1

Ao e a rangi ni kara Itaaka, ao e a matakii, ao e kawaekoa natina are te karimoa are Etau, ao e taku nakoina, “Natiu!” Ao e kaeka natina, “Aio Ngai!”

Karikani B'aai 48:10

Ao e aki rangi n noraaba matan Iakob'a b'a e a rangi ni kara, ao e a aki kona n taratara raoi. Ao e uotiia ana ataei ni mm'aane Ioteb'a, ao e rab'atiia ma ni kiiti ma ngaiia.

Taian Areru 42:7

A waaki ni b'aro riaou am nao, Kanga ai aroni marawa ae un, Ke te raanga n ran ae rurunga b'arona.

Taian Areru 71:20

Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Taian Areru 77:16

Te Atua, ngke a noriko taian ran, ao a maaku; Ao a ruru nanoni marawa, kanga ai aron te aomata ae maaku.

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 5:30

N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.

Ioera 3:15

e na akea ootan taai ke nam'akaina, ao a na toki raneanean taian itoi.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

1.Tamuera 3:2

E aki tataetae te UEA nakoia aomata ni boong akekei, ao E aki naba rangi ni kakaoti nakoia aomata n te mii. Ma n te tairiki teuana, e matu Eri n ana ruu,

1.Tamuera 4:15

ma e ongongo tangiia aomata ni kabane ngke a tang, ao e taku, “Tera te karongoa arei?” Ao e kawaekoa te tautia arei ni kawara Eri ao e taku nako ina,

1.Tamuera 4:18

Ao e bon tabe naba n tekateka Eri i aon te kaintekateka i rarikin oon mataroan te kaawa. Ao ngke e ongo ana taeka te m'aane arei are a uotaanako te Atiniberita kaain Biritia, ao e einako ni b'aka. E a bon rangi ni kara man aki konab'ai, ma ngaia are, ngke e b'aka ao e m'aoto roroana, ao e mate. E a tia n riki b'a te tia kairiiri Eri i aon Iteraera i nanon 40 te ririki.