Te Minita 12:13 - Te B'aib'ara

¹³ A konaa ni bootaki b'aai ni kabane akana ko reiakin n taeka aika ti tabeua aika: Karinea ao ongotaeka iroun te Atua! Bon anne raoi nanon te maiu.

Te Minita 12:13 ပူးပေါင်းရင်းမြစ်များ

Karikani B'aai 22:12

Ao E taku te anera, “Ko na tai kaikoaka te ataei, ke ni karaoa te b'ai teuana nakoina. I ataia ngkai b'a ko bon ongotaeka iroun te Atua, b'a ko aki taua natim te mm'aane ae te rikitemanna mai Rouna.”

1.Uea 2:3

Karaoi b'aai ni kabane akana E tuangko te UEA, ao tou mwiin Ana reirei. Ongotaeka ni b'aai ni kabane akana a koreaki n Ana tua Moote. Ane ko na tetekeraoi e aoria ngkana tao tera ae ko karaoia, ke tao ko nakon te tabo teuana.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 145:19

E kareke baika a kai nanoia iai akana a karinea; E ongo tangiia ao E kamaiuia.

Taian Areru 147:11

Ma E anaaki nanona irouia akana karinea, akana onimakina ana Tangira ae Teimatoa.

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 19:23

E uota te maiu ni koaua kaotakin karinean te UEA ngkana kam karaoia, ao kam konaa ni motirawa n aki manga maaka te kabuanib'ai.

Taeka n Rabakau 23:17

Tai mataaiakiniia taani bure, ma karinea te Atua n taai nako.

Te Minita 2:3

I kani kakaaea b'a tera te kabanea n raoiroi i bukira n te tai ae e uarereke aei i aon te aonnaba. Ma ngaia are, I iangoia b'a N na kakukureiai n te wain, ao ni kakaaea b'a tera nanon te riki n nanobaba, ngkana I bon aki nanobaba raoi.

Te Minita 3:14

A na bane n akea tokini b'aai ni kabane aika e karaoi te Atua, akea te b'ai ae E karaoia ae e na manga bitaki. E a tia ni karaoi b'aai aikai ni kabane te Atua, b'a ti aonga n taromauriia.

Te Minita 5:7

Karinea ao ongotaeka iroun te Atua! E na kairiko te iango ni mii nakon taetae aika akea nanoia.

Te Minita 6:12

E uarereke te maiu ao akea nanona, ao e mauna nako kaanga te nu. Antai ae e ataa te b'ai ae e rangi n raoiroi i bukira? Antai ae e ataia b'a tera ae e na riki ngkana ti a nako?

Te Minita 7:18

Kateimatoako i nuukan te kawai. Ko konaa ni karaoa aei ngkana ko karinea te Atua.

Te Minita 8:12

A karaoi buure aika tebubua m'aitiia, ao a maiu ni karokoa karaia, ao a aki reke n te taeka n rabakau are e kaangai: A na teetekeraoi aomata nako aika a maiuakina te raoiroi ao a karinea te Atua,

Te Minita 8:5

Ko na aki reereke n te kaangaanga ngkana ko ongotaeka iroun te uea. Ma ngaia are, ko na tim'aati, ao reireiniko arom ae ko riai ni karaoia, ao karaoia.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Ruka 1:50

E nanoangaia aomata ake a karinea man te rorona nakon te rorona.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 4:10

Kam uringa te tai are kam tei iai i matan te UEA n te Maunga are Tinai? Ao E taku te UEA, Kairiia mai Iteraera nako ikai. I tangiria n taetae nakoia b'a a aonga n ongotaeka nako Iu i nanon aia tai ni maiu, ao a na manga reireiniia aia ataei b'a a na ongotaeka naba i Rou.

Te Tua-Kaua 4:2

ao ngkai E a manga riki b'a Atuami. I taekin nakoimi tuua ni kabane ake E tuangai, ma ngaia are, kam na aki karakai ke ni kanakoi b'aai tabeua man tuua akanne.

Te Tua-Kaua 6:2

Ao ngkana kam tangiria ni kaananau maiumi ma kanoami, ao kam na taromauria te UEA ma n ongotaeka n ana Tua.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.

Te Kaotioti 19:5

Ao e nako te b'anaa man te kaintokanuea, ae kaangai, “Kam na karaoiroa Atuara, ngkami aika ana toro ni kabaneingkami, ma ngkami aika kam makua, aika kam mangori ma aika kam kakannato.”

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.