Te Minita 12:11 - Te B'aib'ara

¹¹ Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.

Te Minita 12:11 ပူးပေါင်းရင်းမြစ်များ

Karikani B'aai 49:24

Ma e bon tiku n ariraki ana kainikatebe ma ana kanoanikatebe. Ao a kakorakoraaki angan baina Ni m'aakan te Atua ae Moan te M'aaka, ae Atuan Iakob'a, Ae te Tia kawakin tiibu, ae te Tia kawakina Iteraera.

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Taian Areru 23:1

Bon te UEA te tia kaawakinai ngkai kanga te tiibu ngai. E na aki kai nanou n te b'ai teuana

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taeka n Rabakau 1:6

taeka n rabakau ma taeka n reirei, ao ai uana naba ma taeka ni wanawana ao aekaki n taeka ni karariki ni kabane.

Taeka n Rabakau 10:21

A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Taeka n Rabakau 22:17

Aikai taian taeka n rabakau tabeua mairouia aomata aika a wanawana, ma ngaia ae kakauongo raoi nako iai ngkana I reireiningkami.

Te Minita 10:12

A na reke raraom, ngkana ko taetae ni iango raoi; ao ngkana ko taetae n nanobaba ao ko bon tiringko iai i bon iroum.

Te Minita 7:5

E raoiroi riki te kaetaki mani b'anaan ae e wanawana nakon te tabekaki ni b'anaan ae e nanobaba.

Itaia 22:23

E na kamatoa te UEA nakon nakoana n ai aron matoan neeran te autinrianna ae e unikaki n te tano, ao Eriakim are e na uota neboakin ana utu.

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Ieremia 23:29

Au taeka bon te ai ae e korakora; bon te aama ae urui taiani b'a akanne.

Etekiera 34:23

I mwiin anne, N na karekea ami tia kaawakin tiibu man te utu are ana toro te Uea are Tawita. A na kaai n reke ami tia kaawakin tiibu ae ti temanna ngkami aika kam korakora ma aika kam mamaara, ao e na kaawakiningkami raoi.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ioane 10:14

Ngai te tia kawakin tiibu ae e raoiroi; ao I ataiia au tiibu, ao a atai au tiibu,

Ioane 3:10

E kaeka Iesu ao E taku nakoina, “Te tia reirei ngkoe i buakoia Iteraera, ao ko aki atai naba baikai?

M'akuri 2:37

Ngke a ongo aei aomata ao a teke nanoia; ma ngaia are a taku nakoni Betero ma taan tuatua ake raona, “Taari, tera ae ti na karaoia?”

2.I-Korinto 10:4

b'a ara b'ai ni buaka aika ti kamanenai n te buaka bon tiaki b'ain aon te aba, ma b'ai ni buaka aika korakora iroun te Atua n uru taabo ni buaka aika matoatoa. Ti uru taeka ni baka n rabakau,

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

1.Betero 5:4

Ao ngkana E a manga oki te Tia Kawakin-tiibu are te Mataniwi, ao e na reke iroumi te bau are te neboaki are aki kona n rai.