Te Minita 12:1 - Te B'aib'ara

¹ Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Te Minita 12:1 ပူးပေါင်းရင်းမြစ်များ

Karikani B'aai 39:2

Ao E mena te UEA iroun Ioteb'a, ao E kakab'aiaa. Ao e maeka Ioteb'a n ana auti tokan Aikubita temanna,

Karikani B'aai 39:23

Ao e aki tabe ma b'aai ni kabane te tia tararua te karabuuti b'a e a tia n angan Ioteb'a te mwiokoaki, i bukina ngke E mena te UEA iroun Ioteb'a, ao E kakab'aiai b'aai ni kabane ake e karaoi.

2.Tamuera 19:35

Ai wanibwi au ririki ni maiu, ao e a rikirake rab'atau n aki namakinaaba. I a aki ataa kangkangin te am'arake ke n ongo karongoaan te anene, ai bon akea bonganau b'a N nang riki b'a te b'ai ni katabetabe.

2.Tamuera 19:36

N na ri nanon te karaanga ma ngkoe, ma N na aki konaa ni kararoa te kawai n te itera are teuana. Ko riai n aki rangi ni kabanea am tai n akoai.

1.Uea 14:13

A na bane Iteraera n tangitang i bukin matena. Ma e na bon riki ngaia b'a te kabanea n aomata mai i buakoia ana utu Ieroboam ni karaoaki raoi te taunimate i bukina, i bukina b'a bon ti ngaia ae E kukurei te UEA ae Atuan Iteraera i rouna.

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

Neemia 4:14

Ao i mwiina, I tarai b'aai ni kabane ao I tuangiia taani kairiiri, mataniwi, ao aomata ni kabaneia ni kaangai, “Kam na aki maakuia ami kairiribai! E korakora te UEA ao e aki konaa ni maaku. Ma ngaia ae, kam na iangoia ao buaka i bukiia ami koraki ao ami ataei, buumi ao mwengami!”

Iobi 30:2

Bon te koraki n aomata ngaiia aika akea manenaia, a rangi ni mamaara ni karaoa te m'akuri teuana i buku.

Taian Areru 119:55

Te UEA, I uringko ni bong, ao I ongeaba nakon am Tua.

Taian Areru 34:11

Ngkami aika kam reirei irou, kam na nako mai n ongora irou, ao N na reireingkami b'a kam na rabakau ni karinea te UEA.

Taian Areru 63:6

Ngkana I wene ni nneu ni wene, ao I uringko; I aki toki n iaiangoiko n te bong,

Taian Areru 90:10

Ti itibwi ana ririki ni maiu te aomata, ke tao wanibwi i bukin te matoa ni mauri; Ma iriaia ti te rawaawata ma te aki rau; a kai toki maiura, ti kai nako.

Taeka n Rabakau 22:6

Reireiniia natim ae e raoiroi, ao ane a na teimatoa n kaakaraoa ae e raoiroi ngkana a ikawai.

Taeka n Rabakau 8:17

I tangiriia aomata ni kabane aika a tangirai, ao n na boni kuneaki irouia ni kabane akana ukoukorai ma te nano ni koaua.

Te Minita 11:10

Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.

Te Minita 11:2

Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Te Minita 11:8

E ngae ngkana ko maiu ni karokoa karam, ao ko na riai ni kataia ni kukurei n te bong koraki, i bukina b'a ane e na manga roko te rootongitong ao e na tiku ni maan. Akea nanon b'aai nako.

Itaia 26:8

Bon temanna ae e onimakinaki b'a e na uota te eti; ao ti tangira riki neboan aram nakoni b'aai ni kabane.

B'aeb'aeti 3:27

Ao e bon raoiroi b'a ti na reireiniira te nano ae rau ma ngke ti uarereke.

Taniera 1:17

Ao te Atua E anganiia rorobuaka aika aman aikai te rabakau n atai nanon koroboki ma te wanawana. Ao n reitaki ma anne ao E angan Taniera te rabakau ni kab'ara nanon taiani kaotioti ma taiani mii.

Otea 7:9

A taraa n ae a aki ataa mamaaraia ma koreaia: a mainaina iraia, ngkai a tautaeka ianena.

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ruka 18:16

Ma E weteia ataei Iesu b'a a na nako Ina, ao E taku, “Kanakomaia ataei akana uarereke nako Iu, ao tai tukiia; b'a aomata aika ai aroia ataei aikai bon aia b'ai Uean te Atua.

I-Ebeto 6:4

Ao ngkami taama, tai kauniia natimi: ma kam na tongaiia ma ni kairiia i aan te reireiaki ma te tuatuangaki aroia aika riai n ai aron nanon te UEA.

Te Tua-Kaua 8:18

Ma, kam na uringa te UEA ae Atuami are anganingkami te marurung i bukin karekean maiumi. Ao anne arona ni kaawakin ana Berita nakoia ami bakatibu.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

1.Tamuera 1:28

Ao ngkai I a angan te UEA, ao e na riki b'a Ana toro te UEA ni kabane bongin maiuna.”

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 2:18

Ao e m'akuri Tamuera i bukin te UEA ao e karina i aona te kunnikai te rinen ae kaokoro

1.Tamuera 2:26

Ao e tabe n rikirake tangirakin Tamuera iroun te UEA ao ana aomata te UEA.