Te Minita 11:9 - Te B'aib'ara

⁹ Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 11:9 ပူးပေါင်းရင်းမြစ်များ

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 18:27

Ao ngke e a tawanou, ao e a moana b'ainingareaia Eria ao e taku, “Tataro ni kaooa riki b'anaami. Kam taku b'a boni iai B'aara. Tao ane e tabe ni kakantaninga ke e nako n rairaki, ke tao ane e nakonako moa nakon taabo tabeua, ke tao ane e tabe ni matu, ma kam riai ni kautia.”

1.Uea 22:15

Ao i mwiina, ao e a nako Mikaia ni kawara Aaba, ao e a taku Aaba nakoina, “Mikaia, N na buakana Turia i Ramota ke N na aki?” Ao e taku Mikaia, “Eng, ko na buakanna b'a E na anganiko te UEA te tokanikai.”

Iobi 31:7

Ngkana tao arona b'a e a tia ni bure kawaiu, ke tao n anaaki nanou n te buakaka. Ngkana tao e a tia ni kabarekaaki baiu n te bure,

Taian Areru 81:12

Ma ngaia ae I kariaia b'a a na iri nanoia aika matoatoa, ni karaoi baike a tangiri.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Te Minita 2:10

A reke irou b'aai ni kabane aika I tangiri ao I karaoi b'aai nako aika I kani karaoi ni kakukureiai. Ma I rangi ni kim'areirei riki n au m'akuri.

Te Minita 3:12

I ataa te b'ai ae moan te raoiroi ae ti konaa ni karaoia b'a ti na kukurei iai n taai nako n te maiu,

Te Minita 3:17

Ma ngaia are, I taku nako iu b'a e a tia te Atua ni kotea te tai ao te tabo i bukin b'aai nako. E na boni motikitaekaia aomata nako aika a buakaka, ao aika a raoiroi.

Te Minita 6:9

E raoiroi riki te kukurei n te b'ai ae iai iroum nakon tangiran riki b'aai tabeua, b'a bon akea nanon anne b'a bon ti kakiokioan te ang.

Te Minita 7:14

Ko na rangi ni kukurei ngkana a nakoraoi taai, Ko na iango b'a tera bukina ngkai a roko taai aika a buakaka. E karikii te Atua ni kauoua b'a ti aonga n ataia b'a tera ae e na manga riki i mwiina.

Ieremia 23:17

A m'ananga burabeti aikai nako ia aomata ake a rawa ni karineai aika a taningabono aika a bon karaoi b'aai ake a bon tangiri. A kaangai burabeti nako ia, E a tia ni berita te UEA b'a a na nako raoi b'aai nako.”

Ieremia 7:24

Ma a aki kan ongo ami bakatibu. A bonotaninga, ao ngkana I tangiria b'a a na nakon te kawai teuana, ao ngaiia a aki toki n nakon te kawai teaina.

B'aeb'aeti 3:27

Ao e bon raoiroi b'a ti na reireiniira te nano ae rau ma ngke ti uarereke.

Warekaia Iteraera 15:30

Ma ngkana bon iai ae karaoa te bure ni bon nanona, b'a tao te Iteraera ke te iruwa ae maeka i buakomi, ao e na bon reke n te bure b'a e a tia n aki ongeaba n urui taian tua.

Warekaia Iteraera 15:39

E na kauringngkami baikai b'a kam na riai n ongotaeka nakon Au tua ma Au reirei.

Warekaia Iteraera 22:32

Ao e taku te anera, “Bon akea riaina b'a ko na karaoa te aro anne nakon am aati. Boni Ngai ae I tuuka kawaim, i bukina b'a I aki tangiria b'a ko na nako Moaba.

Mataio 5:28

Ao Ngai I taku nako imi b'a ane tarataraa te aine n iango i nanona b'a e na wene ni botaki ma ngaia, ao e a tia ni wene ni bure ma ngaia i nanona.

Ruka 12:19

Ao N na kangai nako iu, ‘Nao, a bati am b'ai aika kawakinaki i bukin ririki aika na roko; aoriko am'arake, mooi, ao kim'areirei.’ ”

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

I-Rom 14:10

Ao ngkoe, ko aera ngkai ko motika taekan tarim? Ao manga ngkoe, ko aera ngkai ko kakeaa bongan tarim? B'a ane ti na bane n tei i matan te Atua b'a a na motikaki taekara i rouna.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

Te Tua-Kaua 29:19

E ngae ngkana bon Iteraera ngkoe ae ko atai ni kabane kanoan te boraraoi ma te UEA, ma E na bon aki naba kakab'aiako ngkana ko kakaitaraa. Ko na taku i nanom b'a ko kona ni karaoia ao akea tuaam, ma ko na karika te kangaanga nakoia Iteraera ni kabane b'a a na katuaaeaki naba ma ngkoe.

Ebera 9:27

Ao ngkai e katauaki nakoia aomata b'a ti teuana mateia ao i mwina motikan taekaia;

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.