Te Minita 11:6 - Te B'aib'ara

⁶ Unika arokam n te kaarangaina, ao tiiku ni m'akuri i nanon am tawaana ni karokoa e roo. Antai ae e ataia, ao ngaia e na kabooaki am m'akuri, ao a na bwebwerake am koraa.

Te Minita 11:6 ပူးပေါင်းရင်းမြစ်များ

Te Minita 11:7

Bon akea n te aonnaba ae e tamaroa riki nakon taain te moaningabong.

Te Minita 9:1

I iangoi baikai. Ao i mwiina, I a ataia b'a bon iai m'aakan te Atua i aoia aomata ni kabane, e ngae ngkana ti wanawana ngaira aikai ao ti maiuakina te raoiroi. A konaa n riki b'aai ni kabane nakoira, ma ngaia ae, ti aki konaa n ataia b'a tera uotan te maiu, tao te raoiroi ke te buakaka.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 55:10

“E b'aka te karau ma te tinoo mai karawa. Ma a aki konaa n oki ngkana a aki teboka te aonnaba are e kariki taian Atiniberita i bukin bwebwen aroka ao te uita i bukin te am'arake.

Otea 10:12

Kamaraua am tawaana nako. kamaae atin te motikitaeka ae eti, ao taia te kakaonimaki. Taromauriai, Ngai ae te UEA, ao N na kanakoa m'aakau ni kakamaiu ni kab'aka kaanga te karau.

2.I-Korinto 9:6

Ao uringa aei: ane kamaaea n unika ae ti teuana, ao e na taia ae ti teutana; ao ane kamaaea n unika ae bati, ao e na taia ae bati.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.