Te Minita 11:2 - Te B'aib'ara

² Tib'ai nako baikana iai iroum nakoia itiman aomata ke waniman, b'a ko aki kona n ataa te tai ae e na roko iai te kabuanib'ai ae e karina.

Te Minita 11:2 ပူးပေါင်းရင်းမြစ်များ

Neemia 8:10

Ao e taku Neemia nakoia aomata, “Kam na kukurei ni kang kanami ao n nim nimami aika a raraoi ao ni i buokanib'ai iai ma raomi aika akea uotaia. Kam na aki nanokawaki! Bon ana bong te UEA ae e kaokoro te bong aei, ao E na bon kakukureingkami ma ni korakoraingkami.”

Etita 9:19

Ao bon aei naba bukina ngkai a kakauringa katebwi ma auan bongin te nam'akaina are Ata I-Iutaia n taian kaawa aika a uarereke, ma ni karikia b'a aia bong ni motirawa ae e kakukurei, ao aia tai ni baka n am'arake ma n anga b'aintangira te am'arake i marenaia.

Etita 9:22

Bon aika boong are a tia iai I-Iutaia ni kamaiuia i bon irouia mairouia aia kairiribai; bon aei te nam'akaina are e a tia n bitaki man te tai n nanokawaki, ma ni korakai nakon te tai n kukurei ma ni kim'areirei. A tuangaki b'a a na kakauringi boong aikai ni karaoa iai aia baka n am'arake, ma n anga aia b'aintangira taian am'arake i bon i marenaia n tatabemaniia nako ao nakoia aika a kainano.

Iobi 5:19

E na kamaiuko te Atua man te b'ai ae kamamate n te tai teuana ma teuana.

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 6:16

Bon iai onoua ke itiua aekakiia aomata aika e ribaia te UEA:

Te Minita 11:3

E aki toki n uouota te karau te nangi ni karau; a bon tiku naba taian aroka ni nneia ake a b'aka iai.

Te Minita 11:8

E ngae ngkana ko maiu ni karokoa karam, ao ko na riai ni kataia ni kukurei n te bong koraki, i bukina b'a ane e na manga roko te rootongitong ao e na tiku ni maan. Akea nanon b'aai nako.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Mataio 18:22

E taku Iesu nako ina: I aki taku nako im b'a itiua te tai, ma itibwi m'aitin itiua.

Mataio 5:42

Ane butiko, ao ko na anganna; ao ane kan tangoa am b'ai, ao tai rawa.

Ruka 17:4

ao ngkana e bure nako im itiua te tai n teuana te bong, ao e kaitiua ana tai n rairaki ni kangai nako im n teuana te bong, ‘I kab'ara ana bure,’ ao ko na kab'ara ana bure.”

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

I-Ebeto 5:16

Kam na kabongana te tai ane kona n reke iroumi i bukini karaoan ae e raoiroi, b'a a buakaka aomata ni boong aikai.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

1.Tamuera 25:8

Bon titirakiniia, ao ane a na kaongoraeko. Ti a taonaki ni bongin te bootaki ni kukurei, ao e butiiko Tawita b'a ko na butim'aira n akoira. Ti butiiko b'a ko na anganiira ane e konaa n reke iroum ngaira aika am toro ao nakon raoraom ae Tawita.”