Te Minita 11:10 - Te B'aib'ara

¹⁰ Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.

Te Minita 11:10 ပူးပေါင်းရင်းမြစ်များ

Iobi 11:12

A na rikirake ni wanawana aomata aika nanobaba ngkana a bungiaki bunin aati aika katam'anti.

Iobi 13:26

B'a Ko katuaaeai ni baika a matoatoa, ao Ko karawawataai i bukin au bure ngkoa ngke te rikirake ngai.

Iobi 20:11

E taneiai ni marurung rab'atana ngkoa ma ni maiureirei, ma n te tai ae aki maan, ao e na oneaki rab'atana nakon te bubu.

Taian Areru 25:7

Kab'arai au bure ake I karaoi ngke te kairake ngai. Te UEA, ururingai n ai aron am Tangira ae teimatoa ma am Raoiroi!

Taian Areru 39:5

Moan te uarereke au bongi ni maiu; m'aitin au ririki ni maiu bon te akea i matam. Te maiu aei kaanga mwemwen te ang,

Taian Areru 39:6

kaanga ai aron te nuu. Baika a karaoi, bon akea nanona; e na kaikoi kaub'aina, ao n aki ataia b'a antai ae e na b'ain i mwiina.

Taeka n Rabakau 22:15

A bane n nanobaba naati ma e na kawanawanaia kaetakiia ae e matoa.

Te Minita 1:14

I a tia n noori b'aai ni kabane, ao akea nanoni iango ni kabane b'a kaanga ti kaean te ang.

Te Minita 1:2

Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.