Te Minita 10:8 - Te B'aib'ara

⁸ Ko na manga boni b'aka i nanon te m'arua ae ko boni kenna; e na tenaiko te naeta, ngkana ko urua te oo.

Te Minita 10:8 ပူးပေါင်းရင်းမြစ်များ

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Tamuera 18:15

Ao a roko taan tararuaa Ioaba ake tengaun ao a tiringnga raoi.

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Taian Areru 57:6

A kataia ni kam'aneai taan ribaai n aia b'ai ni kam'am'ane; e bua au kaantaninga. A kena te m'arua i m'aini kawaiu, ma a manga boni b'aka i nanona.

Taeka n Rabakau 11:6

E konaa ni kaawakiningkami te maiu ae e raoiroi, ma ngkana kam aki konaa n onimakinaki, ao kam bon kam'aneingkami i bon iroumi.

Taeka n Rabakau 26:27

Ko na manga boni b'aka i nanon te m'anono are ko kenna; Ngkana ko moan karabinoa te atiibu, ao e na manga rabino n okiriko.

Te Minita 10:9

Ko na boni konaa naba ni ikoaki ngkana ko korokoroi taian atiibu ke ngkana ko korokai.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

Amota 9:3

Ngkana a karabaia i aon te maunga are Karemera, N na bon ukoriia naba ma n raweia. Ngkana a karabaia mai rou i aan taari, ao N na tuangiia ika ni kaakang b'a a na kaniia.

Tani Motiki-taeka 9:5

Ao e nako ma ana tautia akekei nakon ana auti tamana i Obera ao a kairiia nako natin Kiteon ake tabeman nakon te b'a ae korakora, ao a tiringiia iai ni kabane ake itingaun. Ao e karabaaki mai rouia tautia natin Kiteon are te kabanea ni uarereke, ao bon ti ngaia are e reke birinakona.