Te Minita 10:19 - Te B'aib'ara

¹⁹ Ko na kukurei n te am'aam'arake ao te momooi, ao e konaa ni kabooi b'aai ni kabane aika ko tangiri te kamaraato.

Te Minita 10:19 ပူးပေါင်းရင်းမြစ်များ

Karikani B'aai 43:34

Ao a uouotaki taian am'arake nako ia man ana taibora Ioteb'a, ao e rangi n raka riki uouotakin te am'arake nakon Beniamin b'a nimaua te tai rakana nakoia ake tabeman. Ma ngaia are, a am'arake ma ni mooi ma Ioteb'a ao n reke aia tai ae moan te raoiroi.

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

1.Rongorongo 21:24

Ma e kaeka Tawita ni kaangai, “I aki! I tangiria ni kabooa n aron booia ane ko taku. I aki konaa n ti anaa te b'ai mairoum ao i mwiina, I anga te karea nakon te UEA ae tiaki korakorau.”

Etira 1:6

Ao ake tekorakina a buobuoki n anga b'aai aika a karaoaki man te tirewa, ao taiani koora, ao bon aia b'ai nako, taian kao, ao b'aintangira riki tabeua aika a kakaawaki, ao ai uana naba ma taian angab'ai i bukin te Tembora.

Neemia 5:8

ni kaangai, “Ti a tia ni kataia ni kabooia ni kaokiia ara aomata ake a kaboaki nako nakon te kataenikaiaki. Ma ngaia are ai ngkami aikai, aika kam a manga kabooi nako riki tabeman b'a ti aonga ni manga kabooia ni kaokiia!” Bon akea te b'ai ae a taekinna taiani mataniwi ao taani kairiiri, i bukina b'a a bon ataia b'a e bon koaua.

Etita 1:10

Ao n te kaitiua ni bong, ao e a manging te uea, ao e a kukurei, ma ngaia are e a kawaekoaia ana iunaki ake itiman ake; Meuman, Bitita, Arebona, Bikete, Abaketa, Tetara ao Karekati.

Taian Areru 104:15

Ma te wain i bukini kakukureian nanona, Ma te b'aa b'a e na kabira ubuna iai ni kamaraberabea, Ma te am'arake b'a e aonga ni marurung iai.

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Te Minita 2:3

I kani kakaaea b'a tera te kabanea n raoiroi i bukira n te tai ae e uarereke aei i aon te aonnaba. Ma ngaia are, I iangoia b'a N na kakukureiai n te wain, ao ni kakaaea b'a tera nanon te riki n nanobaba, ngkana I bon aki nanobaba raoi.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Itaia 23:18

ma e na bon akea te b'ai teuana ae e karekeaki ae e a tiku n te kaawa. E na riki te m'aane anne b'a a na b'ai te UEA, ao e na kabonganaaki ni kabooaki iai te kunnikai ae e raka i aon are e kainanoaki i bukiia koraki ake a onimakina te UEA.

Itaia 24:11

A mauna nako taai ni kukurei man te aonnaba, ao a takaarua aomata ni kawain nako te kaawa ni kaangai, “E a bane ara wain!”

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Mataio 19:21

E taku Iesu nako ina, “Ngkana ko kan riki ni moan te raoiroi, ao ko na nako ni kabo nako am b'ai akana iai i roum, ao booia, anganiia akana akea aia b'ai, ao ane na reke i roum iai am b'ai i karawa. Ao nako mai, irirai.”

Ruka 12:19

Ao N na kangai nako iu, ‘Nao, a bati am b'ai aika kawakinaki i bukin ririki aika na roko; aoriko am'arake, mooi, ao kim'areirei.’ ”

Ruka 16:9

Ao I taku nako imi, Kabonganai kaub'aimi aika b'ain te maiu aei b'a b'aini karekeaia raomi; ao ngkana a bane, ao ane kam na m'aneaki n akoaki ni ne ni maeka ake a aki mamauna.

Ruka 8:3

ma Nei Ioana, are buni Kuta are ana touati Erote, ma Tutanna, ma aine riki aika bati ake a tia ni buokiia ni baike a kainanoi.

M'akuri 11:29

A reke nanoia taan onimaki i Antioka b'a a na kanakoa aia buoka n aron are e kona n reke iroun temanna ma temanna, nakoia taari ake a maeka i Iutaia.

M'akuri 2:45

A kabo nako abaia ma aia b'ai nako, ao a tib'atib'ai booia nakoia ake a onimaki, ni kaeti ma kain nanon temanna ma temanna.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.

Tani Motiki-taeka 14:10

Ao ngke a manga nako taman Tamton ni kawara ana utu ana kabae Tamton, ao e karaoa ana bootaki ni kukurei ae buubura Tamton, n aron are e tataneiai ni kakaraoia.

Tani Motiki-taeka 9:13

Ma e taku te kureebe, A uota te kukurei au wain nakoia aomata ma taian atua. I aki kona ni katoka karaoan te wain ti i bukin kaburaan m'aangau i aoia aroka nako.

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.