Te Minita 10:10 - Te B'aib'ara

¹⁰ E na boni kangaanga kabonganaan am tanai ngkana ko aki taimma; ngkana ko tim'aati, ao ko na bon ataa te b'ai ae ko na karaoia.

Te Minita 10:10 ပူးပေါင်းရင်းမြစ်များ

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

1.Rongorongo 12:32

ake a aki ti kakaonimaki, ma a bon tia naba ni kataneiaaki ni kamanenai b'aai ni buaka nako;

Te Minita 10:11

E aki manena te m'aaka nakoim i bukin kamananaan te naeta ngkana e bon tenaiko naba.

Te Minita 10:15

A aki ataa mateia ni m'akuri aomata aika a nanobaba a bon aki ataa naba kawaia n okiri mwengaia.

Te Minita 10:9

Ko na boni konaa naba ni ikoaki ngkana ko korokoroi taian atiibu ke ngkana ko korokai.

Te Minita 2:13

Ao I kunea b'a e raoiroi riki te wanawana nakon te nanobaba, kaanga ai aron te oota ae e raoiroi riki nakon te roo.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

I-Rom 16:19

B'a e ataaki aromi n ongeaba nakon te UEA irouia aomata ni kabaneia, ao aei bukin ae I kim'areirei iai i bukimi. Ma I tangiringkami b'a kam na wanawana n ata te bae raoiroi, ao kam na nano roo nakoni karaoan te bae buakaka.

1.I-Korinto 14:20

Taari, kam na tai b'aina te nano n ataei; ma kam na riki b'a merimeri nakon te buakaka, ao kam na b'aina te nano n ikawai.

Te Tua-Kaua 32:41

N na karaoa te irantaanga nakoia kairiribai aika ribaaki. N na kakangiia au kabaang ao e na raaiti kaanga te iti.

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.