Te Minita 1:2 - Te B'aib'ara

² Akea nanoni b'aai nako! A bane n akea nanoia. I a tia n noori ni kabane akea nanoni b'aai nako!

Te Minita 1:2 ပူးပေါင်းရင်းမြစ်များ

Iobi 11:12

A na rikirake ni wanawana aomata aika nanobaba ngkana a bungiaki bunin aati aika katam'anti.

Taian Areru 144:4

Ai aron te ike ae ti te ikena ngaia; Ao ana bong ai aron te nu ae roko n nako.

Taian Areru 89:47

Uringa ae e kimototo maiu; uringa ae Ko karikira ni kabaneira b'a aomata aika iriani maiuia te mate.

Te Minita 11:10

Katoki iango ni kabane aika ko na raraoma ma ni maraki iai, b'a e waekoa ni mauna nako tamaroan te maiu n rikirake.

Te Minita 11:8

E ngae ngkana ko maiu ni karokoa karam, ao ko na riai ni kataia ni kukurei n te bong koraki, i bukina b'a ane e na manga roko te rootongitong ao e na tiku ni maan. Akea nanon b'aai nako.

Te Minita 12:8

Akea nanon b'aai nako. I a tia n noori ni kabane akea nanon b'aai nako.

Te Minita 2:11

Ao i mwiina, I a iangoi b'aai aika I a tia ni karaoi, ni ikotaki ma m'akuri aika a matoatoa, ao ngaia bon ti kakiokioan te ang. Bon akea nanoni b'aai ni kabane.

Te Minita 2:15

N tokina, I taku nako iu, “Te wanawana e uotai nakon te akea! Bon ti te bo naba are e riki irou, ma are e riki iroun te nanobaba. Bon akea nanoni b'aai nako.

Te Minita 2:17

Bon aio te b'ai ae I ribaa iai te maiu. A bane ni kammaraki b'aai nako aika ti karaoi, bon te iango ae akea nanona b'a kaanga ti kakiokioan te ang.

Te Minita 2:19

Antai ae e ataia b'a a iangoraoi te koraki aikai, ke a nanoroo? E ngae ngke iangoraoi, ke e nanoroo ma N na boni b'aini b'aai ni kabane aika I a tia ni karekei n au m'akuri korakora ao wanawanau. Bon akea nanona.

Te Minita 2:21

Ngkana ti kamanenai wanawanara, rabakaura, ao ara ataib'ai i bukin karekean ara b'ai, ao e aera b'a ti na manga katikui nakon temanna ae e bon aki m'akuri i bukin karekeaia? Bon akea nanon te iango aei, ao e kaairua.

Te Minita 2:23

E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 2:8

Taan tautaeka mai abatera a uoti nako iu tirewa, koora, ao kaub'ai aika a tamaroa. A uouoai ao n aneneai m'aane ma aine, ao a m'aiti buu aika taan anganai te kakukurei ae e bati.

Te Minita 3:19

Ti ikeike ao ti mate n ai aroia maan, ao ti aki raoiroi riki nakoia. Bon ti te b'ai ae akea nanona.

Te Minita 4:16

A bon aki konaa ni warekaki m'aitiia aomata ake a iria. Ma tabeua te ririki mangkai, ao bon akea naba temanna ae e na neboia, bon akea nanon te baei b'a boni kakiokioan te ang.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 5:10

Ngkana ko tangira te m'ane ma te kaub'ai, ao ko na bon aki konaa n rauaki ni b'aai akana iroum. Bon akea naba nanon aei.

Te Minita 6:11

M'aitin ara b'arantiko boni m'aitin akean nanon ara taeka, ma ngaia ae ai tera nanon ara b'arantiko?

I-Rom 8:20

B'a b'aai ni kabane aika karikaki a bane ni kakiaki taekaia i aan te aki-nako-raoi, tiaki n oin nanoia, ma n nanon Teuare kaakiia i aana, ma te kaantaninga i bukiia,