Te Minita 1:16 - Te B'aib'ara

¹⁶ I taku nako iu “Bon ngkoe te kabanea ni wanawana nakoia aika a tia ni maeka i aon Ierutarem. E korakora nanom ni kan atai b'aai nako, ao ko a tia ni karekea am atatai ae e rangi ni m'aiti.”

Te Minita 1:16 ပူးပေါင်းရင်းမြစ်များ

1.Uea 10:7

Ma I bon aki kakoauai ni karokoa I a bon nooria ni matau. Ao ngaia a m'aiti riki b'aai aika I aki ongo taekaia. Ko wanawana riki ao ni kaub'ai riki nakon are I a tia n kaongoaki.

1.Uea 4:30

E wanawana riki Toromon nakoia aomata nako n te aonnaba, ao nakoia naba taan rabakau ake i mainiku ao ake i Aikubita.

1.Uea 5:9

A na uoti kaai mai Reb'anon nako taari are te Mereterenian au taani m'akuri. Ao a na booti ni kabaei, ao a na kokooki i mataniwiin taari nakon te tabo are ko tangiria. Ao i mwiina, a na manga kab'arai taiani kai, ao a konaa ngkanne au taani m'akuri n anai mai ikanne. I bukin ngkanne boon taiani kai, ko na ti katauraoi taiani uita aika I kainanoi i bukiia kaain au auti.

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Rongorongo 2:12

Kamoamoa te UEA ae Atuan Iteraera are E karaoa karawa ma aonnaba! E a tia n angan Tawita natina te m'aane ae e aki ti rabakau ma ni m'aatai, ma iai naba rabakauna ni karaoa te Tembora i bukin te UEA ao ni karaoa naba te bareti bon i bukina.

Taian Areru 4:4

Ngkana kam un ao tai bure; iangoa raoi aei, n ami tai ae kabuingoingo i aon nnemi ni wene.

Taian Areru 77:6

I kabanea aoan te tairiki n iaiango Ngke I iaiango, ao aio te titiraki ae rio i nanou:

Te Minita 2:1

I taku nako iu, “Kakukureiko, kamaiua nanom!” Ma bon akea nanon te iango aei.

Te Minita 2:15

N tokina, I taku nako iu, “Te wanawana e uotai nakon te akea! Bon ti te bo naba are e riki irou, ma are e riki iroun te nanobaba. Bon akea nanoni b'aai nako.

Te Minita 2:9

Boni ngai te kabanea n tanoata taekau mai buakoia aomata nako aika a tia ni maeka i aon Ierutarem, ao I bon rangi ni wanawana.

Te Minita 3:17

Ma ngaia are, I taku nako iu b'a e a tia te Atua ni kotea te tai ao te tabo i bukin b'aai nako. E na boni motikitaekaia aomata nako aika a buakaka, ao aika a raoiroi.

Ieremia 22:14

Ko karaoi wintoona aika a buubura ao ni kamanenaa te kai te tiira b'a rabunan kain te winto ao ko beeniia n te uraura. Ma ko karaoa ae e raoiroi ao ko kairoroia taani kateitei b'a a na m'akuri n aki kabooaki.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.