Te Minita 1:15 - Te B'aib'ara

¹⁵ Ngkana e b'aoua te b'ai teuana, e bon aki konaa ni manga kaetaki; ngkana akea rab'atan te b'ai teuana, ao e bon aki konaa ni warekaki.

Te Minita 1:15 ပူးပေါင်းရင်းမြစ်များ

Iobi 11:6

E na tuangko b'a a m'aiti iteran nako te rabakau, ao iai b'aai aika rangi n nano nakon wanawanan te aomata. E kauarerekea tuaam te Atua, ngke e bon riai ni korakora.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Te Minita 3:14

A na bane n akea tokini b'aai ni kabane aika e karaoi te Atua, akea te b'ai ae E karaoia ae e na manga bitaki. E a tia ni karaoi b'aai aikai ni kabane te Atua, b'a ti aonga n taromauriia.

Te Minita 7:25

Ma ngaia are, I a iangoia b'a N na neneri aron b'aai ni kabane, b'a I aonga ni wanawana raoi ni kunea aron ma bukin te maiu. Ao n te tai naba anne, ao I tangiria n ataia b'a e aera ngkai e kananoroo ao ni kakeaa te iango te riki n nanobaba ae e buakaka.

Itaia 40:4

Taun taiani m'arua; ao kanakoi taian tabuki ma maunga. Kabooraoa te tabo ae e bobuaka ao te tabo ae e aobuaka.

Ieremia 13:23

Kam aki konaa ni bitaki ni karaoa ae e raoiroi? A konaa aomata ni bita kuniia, ke e konaa ni kanakoi matamatan kunin te reb'ari? Ngkana e konaa, ao tao kam na konaa naba ni bitaki ao n reireiningkami karaoan ae e raoiroi.

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 6:27

Antai i buakomi, i bukin raraomana, ae e kona ni kaananaua ana tai ni maiu nakon ae teuana riki te bong?