Te Minita 1:13 - Te B'aib'ara

¹³ Ni kabanean wanawanau, ao I kataia ni kakaaei nanon b'aai aika a riki n te aonnaba aei. Ao te Atua e a tia ni kamatoatoaa nakoira karaoan aei.

Te Minita 1:13 ပူးပေါင်းရင်းမြစ်များ

Karikani B'aai 3:19

A na reke kanam mani maonon ram'am ni karokoa manga okiran te tano are ko boni karaoaki mai iai. Ko karaoaki man te tano, ao ane ko na manga bon okira te tano.”

Iobi 28:3

A uoti taian taura aomata n neweabai taabo ni keniken aika rotongitong ake i aan te aba. A ukeuke i kabin te aonnaba, ao a keniken i bukin kakaaean taian atiibu i nanon te rotongitong,

Taian Areru 111:2

Ai kamimiira baika E karaoi te UEA! Ane kukurei nanona ni baika E karaoi te Atua A na boni kawakin iai nanoia.

Taeka n Rabakau 18:1

Bon te nanobaba ae te iangoiko bon tii ngkoe ao ni kakaokoroko ma aomata ake iai te iango raoi irouia.

Taeka n Rabakau 18:15

A bane akana a iangoraoi n tangiria n reirei.

Taeka n Rabakau 23:26

Natiu te m'aane, kakauongo raoi, ao kukurei ni katotoongai.

Taeka n Rabakau 25:2

E neboaki te Atua i bukin arona ni kamimii; a neboaki taan tautaeka i bukin kab'arab'araan taiani kamimii.

Taeka n Rabakau 4:7

Te kabanea n tamaroa i bukin te Wanawana bon te Wanawana n ti ngaia; e rangi n tamaroa riki te iangoraoi nakon b'aai riki tabeua.

Te Minita 1:17

Ao i mwiina, I a iangoia b'a N na kakaaea taekan te wanawana ma te nanobaba. Ao i mwiina, I a kunea b'a ngaia bon iango aika akea nanoia aika kaanga kakiokioan te ang.

Te Minita 11:5

Bon akea temanna ae e konaa ni kab'arab'araa, b'a e kangaa te ataei ni ikeike i m'aain bungiakina. Ma ngaia are, e na kangaa te aomata ni kab'arab'araa, b'a tera ae e karaoia te Atua? E ngae ngke E bon kariki b'aai ni kabane.

Te Minita 12:12

Natiu, I tangiriko b'a ko na kararoako man taeka n reirei tabeua, ao ko na ti taui aikai: Bon akea tokin taiani boki, e na uotiko nako te kamateb'ai ae moan te bati.

Te Minita 2:23

E kainano rab'atara i nanon te ngaina, ao e kamaraki te m'akuri. Ao n te tairiki e aki rau ara iango. Bon akea nanona.

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Te Minita 3:10

I a tia n noori b'aai aika a kaangaanga aika e tangiri te Atua b'a ti na karaoia.

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Te Minita 4:4

Ao i mwiina, I a tib'a ataia b'a ti m'akuri ma ni karaoi baika a raoiroi, i bukina ngke ti bakantang irouia tem'angina. Bon akea nanon riki te baei b'a bon ti kakiokioan te ang.

Te Minita 4:8

N aron aei, iai tabeman aomata aika akea raoraoia ke aia utu. Ma a bon aki konaa n rauaki ni b'aai ake a b'ain, ao a aki konaa n toki aia m'akuri i bukin karekean riki tabeua. A riai n titirakiniia i bon irouia ni kaangai, “E aera ngkai e aki konaa n toki au m'akuri i bukin karekean riki au b'ai? Antai ae e na b'ain ngkana I kiitan?” Bon te iango ae akea nanona, ao te maiu ae e karawaawata!

Te Minita 7:25

Ma ngaia are, I a iangoia b'a N na neneri aron b'aai ni kabane, b'a I aonga ni wanawana raoi ni kunea aron ma bukin te maiu. Ao n te tai naba anne, ao I tangiria n ataia b'a e aera ngkai e kananoroo ao ni kakeaa te iango te riki n nanobaba ae e buakaka.

Te Minita 8:9

I noori baikai ni kabane ao I karawaawata iangoaia b'a ai tera ae e riki n te aonnaba aei. E aera ngkai iai tem'angina aika iai m'aakaia ni kaikoakia tem'angina?

1.Timoteo 4:15

Ko na kakaraoi baikai, ao kakaonimaki nako iai, b'a e aonga n noraki tamaroan am waaki irouia aomata ni kabaneia.