Te Minita 1:11 - Te B'aib'ara

¹¹ Bon akea temanna ae e maiu ngkoa ae e teimatoa ururingana, ao ti te arona naba ma aika a na manga bungiaki akea temanna ae na ururingaki i buakoia.

Te Minita 1:11 ပူးပေါင်းရင်းမြစ်များ

Taian Areru 9:6

A mauna nako taan riribai n aki manga noraki mataia. Ko a tia n urubekei aia kaawa ake a buubura; ao e na bon akea manga ururingakiia.

Te Minita 1:10

E na taetae temanna ni kaangai, “Aio te b'ai ae e boou!” Ma e a kaman riki naba anne ngkoa, n te tai ae e rangi ni maan i m'aain bungiakira.

Te Minita 2:16

Ti wanawana ke ti nanobaba, ti na boni bane naba ni mate ma ni m'aninga te aba taekara.”

Te Minita 8:10

I noora te aomata ae e buakaka ae e taunaki ma te karineaki, ma a kiitana te kaawa ae e tabu ana Aomata te Atua, ao e m'aninga te aba taekaia. Bon akea nanon b'aai aikai ni kabane.

Te Minita 9:5

Ti ataia b'a ti na boni mate, ma ngkana ti mate, ao ti bon aki ataa te b'ai teuana. Bon akea te b'ai ae e raoiroi ae e na riki nakoira, ti nako ao e a m'aninga naba te aba taekara.

Itaia 42:9

A na roko b'aai ni kabane ake a tia n roko naba i m'aaina n aron are I taku; ao ngkai N nang katanoata are i mwiina.