Te Kaotioti 9:21 - Te B'aib'ara

²¹ ao a aki rairaki ni kitan aroia ni kamamate, ma n tabunea, ma ni kaib'ab'aru, ma ni kimoa.

Te Kaotioti 9:21 ပူးပေါင်းရင်းမြစ်များ

Itaia 47:12

Teimatoa ni kamanenai am tabunea ma am b'ainikawai. n aron are ko a tia ni kakaraoia. Tao e na mena ngkoa, tao ko a tia ni kakamaaka temanna!

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Itaia 57:3

Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Taniera 11:33

A na manga tib'aa rabakauia taani kairiiri aika a wanawana nakoia raoia, ma i mwiin tabeua te tai a na manga tiringaki tabeman n te boo ni buaka, ke a na kabuokaki ni kamateaki, ao tabeman a na iraeaki ao a na karikaki b'a buure.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 5:20

te taromauri bouananti, te tabunea, taian riribai, te kauntaeka, te tauaninne, taian un, taian unra i marenaia ami botaki nako, taian i raraaure, taiani kakaokoro n iango,

Te Kaotioti 13:13

Ao te man are kaoti mai aantano e karaoi kanikina aika ab'ab'aki, b'a e kab'aka te ai mai karawa nako aon te aba i mataia aomata.

Te Kaotioti 13:15

Ao e anganaki te kariaia b'a e na karina te ikeike-ni-maiu i nanon te bouananti are na katotonga tein rab'atan te man are moa ni kaoti, b'a e aonga ni kona n taetae ao ni kamateia aomata ni kabaneia ake a aki taromauria.

Te Kaotioti 13:7

Ao e anganaki naba te kona ni buakaniia ake a itiaki, ma te katae aia kai; ao e anganaki te m'aaka n tauu taekaia baronga nako ma natanaomata ma botannaomata ma aomata nako aika a kakaokoro aia taetae.

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 16:6

B'a aomata a katinakoi raraaia te koraki ake a itiaki ma burabeti; ao Ko a tia n anganiia te raraa b'a a na moi iai. A riai n reke kaiia.”

Te Kaotioti 17:2

are a wene ni bure ma ngaia uean aonnaba, ao are a manging i rouna kaain aonnaba ni wain n ana wene ni bure.”

Te Kaotioti 17:4

Ao e kunnikaiaki te aine arei n te ura-roo ma te uraura, ao e katamaroaaki ni b'aai ni katamaroa aika koora ma atibu aika kakawaki ma moomi; ao iai te m'angko ae te koora i nanoni baina, ae te m'angko ae on ni baika riai ni bati n ribaaki, ma baika kammaira aika b'ain ana wene ni bure;

Te Kaotioti 17:5

ao e koreaki i aon ram'ana te ara ae iai nanona ae raba, ao e kaangai te ara arei: “B'ABURON AE KAKANATO, AE TINAIA KABEKAAU MA B'AIN AON TE ABA AIKA RIAI NI BATI N RIBAKI.”

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

Te Kaotioti 19:2

b'a a koaua ana moti ao a eti. E a tia ni motika taekan te kabekaau are rangi n atoatongaki taekana, are te kabekaau are kam'araea te aba n ana wene ni bure; ao E a tia ni karekea kaina i bukina ngke e kamateia ana toro.”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;