Te Kaotioti 9:18 - Te B'aib'ara

¹⁸ A kamateaki kateni-m'akoroni m'aitiia aomata ni baikai, aika baika kamamate aika tenua, ae te ai, ao te bubu n ai, ao te burimton, aika a oti nako mai wiia.

Te Kaotioti 9:18 ပူးပေါင်းရင်းမြစ်များ

Te Kaotioti 8:10

Ngke e katanga ana bu te anera are te kateniman, ao e b'aka mai karawa te itoi ae ab'ab'aki, ae ura n ai aron te oi, ao e b'aka i aoni kateni-m'akoroni m'aitini karaanga, ao i aoni koburaken raan.

Te Kaotioti 8:11

Ao aran te itoi arei e atongaki b'a Mao: ao e riki ni mao kateni-m'akoron raan; ao a bati aomata ake a mate ngke a moi n raan akekei, i bukina ngke a riki ni mao.

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.

Te Kaotioti 8:7

Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.

Te Kaotioti 8:8

Ngke e katanga ana bu te anera are te kauoman, ao e teweaki nako marawa te b'ai teuana ae kanga ai aron te maunga ae ab'ab'aki ae ura n te ai; ao e riki n raraa kateni-m'akoroni marawa;

Te Kaotioti 8:9

ao a mate kateni-m'akoroni m'aitiia ake a maiu ake i marawa; ao a uruaki kateni-m'akoroni m'aitini kaibuke.

Te Kaotioti 9:15

Ao a kab'araki anera ake aman, ake a katauraoaki i m'ain te aoa ma te bong ma te nam'akaina ma te ririki, are a na kamateia iai kateni-m'akoroni m'aitiia aomata.

Te Kaotioti 9:17

I nooriia aoti ma ake a toka i aoia, ni miiu, b'a aikai aroia: iai otangani b'ab'aaia aika uraura n ai aron uraurani matan te ai, ao aika buruu n ai aron te uakinto ao aika babobo n ai aron te burimton; ao atuia aoti ai aron atuia raian, ao a oti nako mai wiia te ai ma bubuna ma te burimton.

Te Kaotioti 9:19

B'a a mena m'akaia aoti aikai ni wiia ao ni bukiia: b'a bukiia ai aroia naeta aika iai atuia, ao a kaikoakia aomata iai.