Te Kaotioti 9:14 - Te B'aib'ara

¹⁴ ngke e kaangai nakon te anera are te kaonoman are iai i rouna te bu, “Ko na kab'araia anera ake aman ake a kabaeaki i rarikin te karaanga are ab'ab'aki are Iuberetiti.”

Te Kaotioti 9:14 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

Karikani B'aai 2:14

Ao te katenua ni karaanga bon Taaikiriti, are e raanga i mainikun Aturia. Ao te kaaua ni karaanga bon Iuberetiti.

2.Tamuera 8:3

Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

Ieremia 51:63

Ngkana e bane am tataro, kabaea te niira ni boki ma te atiibu ao karenakoa nakon te Karaanga are Iuberetiti. Ao i mwiina, ko na kaangai,

Te Tua-Kaua 1:7

Kam na kiitana ikai nako abaia kaain Amora ma kaain rarikiia ake kaain Kanaan. A reke i nanon te aba aei aaba aika M'aruan te Karaanga are te Ioretan, te aba are e tabukibuki, aaba ake a rinano ake i maeao, Rereuan Maiaki, mataniwiin Taari are te Mereterenian, Maungan Reb'anon, ao aaba ni kabane ni karokoa te Karaanga are te Iuberetiti.

Iotua 1:4

Tian abami mai maiaki, te rereua, ao mai meang, maungan Reb'anon, ao mai mainiku, te karaanga are Iuberetiti, ao mai maeao, e biri ni wairio man te karaanga are Iuberetiti ri nanon abaia kaain Eta n toki n taari are te Mereterenian.

Te Kaotioti 16:12

Ao te anera are te kaonoman e kab'aroa kanoan ana boora i nanon te karaanga are ab'ab'aki are te Iuberetiti; ao e oora n akea ranna, b'a e aonga ni katauraoaki kawaia uea ake mai mainiku.

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.

Te Kaotioti 8:6

Ao anera ake itiman, ake iai i rouia taiani bu ake itiua, a katauraoia b'a a na katang.

Te Kaotioti 9:15

Ao a kab'araki anera ake aman, ake a katauraoaki i m'ain te aoa ma te bong ma te nam'akaina ma te ririki, are a na kamateia iai kateni-m'akoroni m'aitiia aomata.