Te Kaotioti 9:1 - Te B'aib'ara

¹ Ao te anera are te kaniman e katanga ana bu, ao I nora te itoi ae b'aka mai karawa nako aon te aba; ao e anganaki kingini bonotani matan te b'angab'anga are ruo ri kaaki nako Abuto.

Te Kaotioti 9:1 ပူးပေါင်းရင်းမြစ်များ

Itaia 14:12

Ko a tia ni b'aka Ngkoe ae te itoi ni ngaina ae e raneanea! Ko kab'akaia botannaomata ake tabeua; ao ngkai ko a kab'akaaki.

Ruka 10:18

Ao E taku nako ia, “I nora Tatan b'a e b'aka mai karawa kanga ai aron te iti.

Ruka 8:31

Ao taimonio, a butia Iesu b'a E na aki kanakoia nako Abuto!

I-Rom 10:7

“Ao antai ae na ruo nako moone?” (ae nanona, b'a antai ae na kaira rake Kristo mai buakoia maate).

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 11:7

Ao ngkana a tia n taekina aia rongorongo, ao te man are tiritiri are tabe n rierake mai Abuto e na buakaniia ao e na tokanikai i aoia, ao e na kamateia.

Te Kaotioti 17:8

Te man are ko noria bon iai ngkoa, ma akea ngkai: ao e nangi rierake mai Abuto, ma n nako n te kamateaki. Ao a na mimi akana maeka i aon te aba, akana aki koreaki araia ni bokin te maiu ma ngke a moa ni karikaki aonnaba, ngkana a nora te man arei b'a bon iai ngkoa ma akea ngkai, ao b'a e na manga kaoti.

Te Kaotioti 20:1

Ao I nora te anera temanna b'a e ruo mai karawa, ao e taua i nanoni baina te taurekereke ae buubura, ma kingin Abuto.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 6:13

a b'aka i aontano itoini karawa, n ai aron te biku ngkana e kab'akai uaana aika tuai n tawaa, ngkana e ioioaki n te ang ae korakora.

Te Kaotioti 8:10

Ngke e katanga ana bu te anera are te kateniman, ao e b'aka mai karawa te itoi ae ab'ab'aki, ae ura n ai aron te oi, ao e b'aka i aoni kateni-m'akoroni m'aitini karaanga, ao i aoni koburaken raan.

Te Kaotioti 8:12

Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.

Te Kaotioti 9:2

E kauka bonotani matan te b'angab'anga are ruo ri kaaki nako Abuto, ao e oti nako mai iai te bubu ae ai aroni bubun te tabo ni kanaiai ae korakora, ao e karooaki taai ma te ang n te bubu ae nako man te b'angab'anga arei.