Te Kaotioti 8:8 - Te B'aib'ara

⁸ Ngke e katanga ana bu te anera are te kauoman, ao e teweaki nako marawa te b'ai teuana ae kanga ai aron te maunga ae ab'ab'aki ae ura n te ai; ao e riki n raraa kateni-m'akoroni marawa;

Te Kaotioti 8:8 ပူးပေါင်းရင်းမြစ်များ

Ieremia 51:25

Kam uruaniia botannaomata ao ko taraa ni marurung kaanga te maunga, ma bon am kairiribai Ngai. N na bon raweiko ao N na karabinoko nako nakon te tabo ae e katati. Ao ngkana e bane karaoan anne irou, ko na riki b'a kaanga te b'ariko ni buriki aika a mannang.

Etekiera 14:9

Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Amota 7:4

E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.

Tekaria 13:8

A na mate man te aba uoua te katenim'akoro, ao a na maiu te katenim'akoro.

Tekaria 13:9

Ao i mwiina, N na kaitiakia ma ni karaoia b'a a na kataaki, kaanga te koora ma te tirewa ngkana a kaitiakaki ma n tuoaki. Ane a na tataro n arau, ao N na kaekaia. N na kaangai, “Au aomata ngkami,” ao a na kaeka ni kaangai, “Bon te UEA Ngkoe ae Atuara!”

Mareko 11:23

E koaua ae I tuangngkami b'a ane kangai nakon te maunga aei, Ko na tabekaki nako, ao b'aka i tari, ao e aki nanokokoraki i nanona ma e onimaki b'a e na koro bukin are e taekinna, ao e na boni karaoaki i bukina.

Te Kaotioti 11:6

A kona taani kakoaua akekei ni bonota karawa, b'a e na aki b'aka te karau ni karokoa koron aia bong n taetae ni burabeti; ao iai m'aakaia i aon raan, ni kona n oniki b'a raraa; ao iai naba m'akaia ni karokoi b'aai ni kamamate ni kaokioki n ai aron takun nanoia.

Te Kaotioti 12:4

Ao bukina e uakina iai kateni-m'akoroni m'aitin itoini karawa, ao e tewe nako aon te aba; ao e tei te rakon i matan te aine are nangi bung, b'a e na kana natina n te tai are e bungiaki iai.

Te Kaotioti 8:7

Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.

Te Kaotioti 9:15

Ao a kab'araki anera ake aman, ake a katauraoaki i m'ain te aoa ma te bong ma te nam'akaina ma te ririki, are a na kamateia iai kateni-m'akoroni m'aitiia aomata.

Te Kaotioti 9:18

A kamateaki kateni-m'akoroni m'aitiia aomata ni baikai, aika baika kamamate aika tenua, ae te ai, ao te bubu n ai, ao te burimton, aika a oti nako mai wiia.