Te Kaotioti 8:7 - Te B'aib'ara

⁷ Ngke e katanga ana bu te moa n anera, ao te karau ae matoatoa ae te aiti, ma te ai, aika renganaki n te raraa, a teweaki nako aon te aba; ao e kabuokaki kateni-m'akoron aonnaba, ao a kabuokaki kateni-m'akoroni m'aitini kaai, ao e bane ni kabuokaki te uteute ae mawaawa.

Te Kaotioti 8:7 ပူးပေါင်းရင်းမြစ်များ

Taian Areru 105:32

E kab'akai aitiburaoki aika totoa n irianaki ma te itiiti b'a oneani mwin te karau.

Te Otinako 9:33

Ao e kiitana te uea Moote, ao e otinako man te kaawa are e buubura arei, ao e tabeki baina ni kauaai n tataro nakon te UEA. Ao e toki rebwen te baa, te karau te aiti, ao e toki te karau ni kabane.

Itaia 28:2

Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 29:6

N na roko ni kamaiuko ma m'aiei ao te baa ma te ukeukenanti Ngai ae te UEA ae Moan te M'aaka.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 32:19

e ngae ngkana e tiribooi taian buakonikai ma kaawa aika a buubura n taian karau atiibu.

Etekiera 38:22

N na oroiko n te aoraki ao N na katuaaeko n te mate. Ko na katobibiaki ma am taanga ni buaka ni buakan karawa ma te karau, te karau te aiti, ao te burimton ae e ura.

Ioera 2:30

N na m'akuri taiani kamimii i eta i karawa ao i aon te aonnaba i nano. E reke te raraa ma te ai ao taian nang ma te bubu.

Iakobo 1:11

B'a e oti taai ma te ang ae kabuebue, ao e karaia te uteute; ao e b'aka ueena, ao e mauna tamaroana. Ao ai aron naba te aomata ae kaub'ai: e na rai i nanon ana tai ni wakina ana bitineti.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

1.Betero 1:24

B'a e kaangai te B'aib'ara: “Kanga te uteute aomata ni kabaneia, ao tamaroaia ni bane kanga ai aron ueen te uteute. E rai te uteute, ao e b'aka te uee,

Te Kaotioti 12:4

Ao bukina e uakina iai kateni-m'akoroni m'aitin itoini karawa, ao e tewe nako aon te aba; ao e tei te rakon i matan te aine are nangi bung, b'a e na kana natina n te tai are e bungiaki iai.

Te Kaotioti 16:2

Ao e nako te moa n anera, ao e kab'aroa kanoan ana boora i aon te aba; ao e riki iai te kaboa ae buakaka ae kamaraki irouia aomata ake a kanikinaeaki n ana kanikina te man arei, ao i rouia naba ake a taromauria te bouananti are katotongana.

Te Kaotioti 16:21

Ao aomata a b'akaraki mai karawa n te karau ae matoatoa, ae taian aiti aika bububura, aika tao kaka tebubua te rawawata rawawataia ke e raka riki; ao a taetaebuaka te Atua i bukin te karau n aiti are kamamate; b'a e bon rangi ni kamamate.

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.

Te Kaotioti 7:1

Ao i mwin arei ao I noriia anera aika aman b'a a tei ni maninganingan aonnaba, ake maninganingana ake aua, ao a tau angin aonnaba, ake aang ake aua, b'a e na aki uki te ang i aonnaba, ao i marawa, ao e na aki uka te kai tekaina n neakinna.

Te Kaotioti 9:15

Ao a kab'araki anera ake aman, ake a katauraoaki i m'ain te aoa ma te bong ma te nam'akaina ma te ririki, are a na kamateia iai kateni-m'akoroni m'aitiia aomata.

Te Kaotioti 9:18

A kamateaki kateni-m'akoroni m'aitiia aomata ni baikai, aika baika kamamate aika tenua, ae te ai, ao te bubu n ai, ao te burimton, aika a oti nako mai wiia.

Te Kaotioti 9:4

A tuangaki b'a a na aki urua uteuten aon te aba, ma te kai nako ae e mawaawa baana, ma aroka; ma a na ti kamarakiia aomata akana akea i aon ram'aia ana kanikina te Atua.