Te Kaotioti 8:3 - Te B'aib'ara

³ Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.

Te Kaotioti 8:3 ပူးပေါင်းရင်းမြစ်များ

1.Uea 7:50

m'angko; b'ain tiringan te taura; ao boora ni katimtim aika a uarereke; rauraun te b'ai ni kaboiarara; baanin te ai; ao ai intitin mataroan te tabo are Moan te Tabu ao te ru are te kabanea ni buubura n te Tembora.

Taian Areru 141:2

Butim'aea au tataro b'a kanga te karea ae boiarara, ao baiu aika tabekaki rake b'a kanga te karea n te tairiki.

Te Otinako 40:26

E karina te baonikarea are te koora i nanon te Um'antabunrianna i matan te keeten,

Itaia 6:6

Ao e kiba nako iu temanna mai buakon b'aai ake a maiu ma te kooro ae e ura ae anaaki man te baonikarea n te karibai ae te biti.

Etekiera 41:22

te baonikarea te kai. Bon teuana ma te iterana te miita rietana ao teuana te miita rababana ma ab'akina, ao a karaoaki koonana, aana, ao iterana nako man te kairababa. E taku te m'aane arei nako iu, “Bon aei te kauring b'a E teimatoa te UEA n tarataraa ana Tembora.”

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Warekaia Iteraera 4:11

E na rabunaki baonikarean te b'ai ni kaboiarara are te koora n te kunnikai ae buru, ao i mwiina, e na manga rabunaki riki aona n te kunniman ae raoiroi i m'aain rinin kainamoana ni nneia.

Warekaia Iteraera 7:62

teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

Ruka 1:10

Ao a tataro aomata aika bati i tinanikun te ruu are tabu ngke e kabuoki karea ake a boiarara Takaaria.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

Ebera 9:4

are kanoana te baonikarea ae te koora i bukini kabuokani karea aika boiarara, ma atin te berita are e kanim'aki te koora iai ni kabuta, are e mena i nanona te b'aati ae te koora are kanoana te manna, ma te kai are okon Aaron are a bwebwee baa ni kai maiai, ma baban te boraraoi ake atibu.

Te Kaotioti 10:1

Ao I nora te anera temanna ae korakora b'a e ruo mai karawa. E kunnikaiaki n te nang, ao Nei Wirara i aon atuna; ao ubuna ai aron taai, ao rangana ai aron tein taraan te ai ae tei b'a kanga te boua.

Te Kaotioti 14:18

Ao e oti nako te anera temanna man te baonikarea; ngaia ae taua taekan te ai. Ao e taetae n te b'anaa ae korakora nakon te anera are iai ana biti are kakang, ao e kaangai, “Ko na kabongana am biti ane kakang, ni korei amwini kureeben aon te aba; b'a a tawaa amwi ni kureebe.”

Te Kaotioti 5:8

Ao ngke E anaa te nira ni boki, ao baike a maiu ake aman, a katorobubua ni bobaraaki i matan te Tiibuteteei, ao a toa baiia n te b'ai ni katangitang ae te aabi ae te koora, ma taiani boora aika koora naba; a on baikai ni b'aai aika boiarara, ake aia tataro aomata ake a itiaki.

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;

Te Kaotioti 7:2

Ao I nora te anera temanna b'a e rierake man te tabo are e kaoti taai mai iai, ao iai i rouna te b'ai ni kanikina, ae ana b'ai te Atua ae maiu; ao e taetae n te b'anaa ae korakora nakoia anera ake aman ake a anganaki te kona ni b'ainikirina aonnaba ma karawa.

Te Kaotioti 8:4

Ao e aetorake bubuni karea ake a boiarara, ma aia tataro ake a itiaki mai bain te anera are tei i matan te Atua.

Te Kaotioti 8:5

Ao e anaa te baan te anera, ao e kanoaia n ain te baonikarea, ao e tewea nako aon te aba; ngke e karaoa aei ao e rebwetata te baa ma n rurunga, ao e itiiti, ma ni m'aeiei aon te aba.

Te Kaotioti 9:13

Ao te anera are te kaonoman e katanga ana bu, ao I ongo te b'ana teuana mani kooro ake koron te baonikarea are te koora, are i matan te Atua,