Te Kaotioti 8:12 - Te B'aib'ara

¹² Ngke e katanga ana bu te anera are te kaaman, ao e uruaki kateni-m'akoron taai, ma kateni-m'akoron nam'akaina, ma kateni-m'akoron itoi; b'a e aonga ni karooaki kateni-m'akoroia, ao b'a e aonga n aki oota kateni-m'akoron te ngaina, ao ai aron naba te bong.

Te Kaotioti 8:12 ပူးပေါင်းရင်းမြစ်များ

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 24:23

A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Ieremia 4:23

I mwiin te bure aei, ao I taratara nako. Ao e wene te aonnaba n akea kanoana, akea nooran te maiu iai. A mauna taai ma nam'akaina, ao taian itoi.

Ioera 2:10

E ruru te aonnaba irouia ao e m'aioio taiani karawa; a manga okirikaaki taai ma nam'akaina, ao a toki otan taian itoi.

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:15

e na akea ootan taai ke nam'akaina, ao a na toki raneanean taian itoi.

Amota 8:9

Ao n te bong arei ao N nang kabunga taai ngke e a tib'a boo tawanou, ao e na roo aonteaba n tain te ngaina. Bon Ana taeka te UEA ae rietaata

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mataio 27:45

Ngke e a tawanou, ao e roo aon te aba ni kabane ni karokoa te aoa tenua n te tanimaeaontaai.

Mareko 13:24

“Ni boong akana i mwin te tai are a karawawataaki iai aomata, ao ane e na karooaki ootan taai,

Mareko 15:33

Ngke e a tawanou, ao e roo aon te aba ni kabutaa ni karokoa te aoa tenua n te tanimaeaontaai.

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.

M'akuri 2:20

E na riki n roo taai, ao e na turubaka n uraura nam'akaina, i m'ain rokon ana bong te UEA are kakannato are kakamaaku.

2.I-Korinto 4:4

b'a a a tia n rabunaki nanoia aomata aika tiaki taan onimaki iroun atuan te aonnaba aei, b'a a na aki nora ootan euangkerioni mimitongini Kristo, are katotongan te Atua.

Te Kaotioti 12:4

Ao bukina e uakina iai kateni-m'akoroni m'aitin itoini karawa, ao e tewe nako aon te aba; ao e tei te rakon i matan te aine are nangi bung, b'a e na kana natina n te tai are e bungiaki iai.

Te Kaotioti 16:10

Ao te anera are te kaniman e kab'aroa kanoan ana boora i aon ana kaintokanuea te man arei; ao e riki n roo aon taabo ake e uea iai, ao aomata a tenatenai neweia b'a a kainano ni maraki;

Te Kaotioti 6:12

Ao I mataku ngke E kaaki te b'ai ni kanim are te kanikina are te kaonoua, ao noria, m'aeiein te aba, ae te m'aiei ae korakora! Ao e riki n roro taai, kanga ai aron te kunnikai ae mangaingai ae roro, ao matan nam'akaina ae b'anin e riki n ai aron te raraa taraana;

Te Kaotioti 9:15

Ao a kab'araki anera ake aman, ake a katauraoaki i m'ain te aoa ma te bong ma te nam'akaina ma te ririki, are a na kamateia iai kateni-m'akoroni m'aitiia aomata.

Te Kaotioti 9:18

A kamateaki kateni-m'akoroni m'aitiia aomata ni baikai, aika baika kamamate aika tenua, ae te ai, ao te bubu n ai, ao te burimton, aika a oti nako mai wiia.