Te Kaotioti 8:1 - Te B'aib'ara

¹ Ao te Tiibuteteei ngke E kaaki te b'ai ni kanim are te kanikina are te kaitiua man te niira ni boki, ao e kainab'aabu te aba i karawa i nanon tao te itera n aoa.

Te Kaotioti 8:1 ပူးပေါင်းရင်းမြစ်များ

Iobi 4:16

Ao I noora te b'ai teuana ae e tei ni kaaitaraai. I matakuakinna ma I aki kona n taekinna b'a tera. Ao I ongo te b'ana ngke akea te karongoa,

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 62:1

I taotaona nanou ni kaantaninga te Atua b'a E na kamaiuai; Ti Ngaia mwiokoni maiu.

Ab'akuka 2:20

E mena te UEA i nanon ana Tembora are e tabu, ke a bane kaain aonnaba ni kainab'aabu i matana.

Tekaria 2:13

Kam na kainab'aabu aomata ni kabane! E a roko te UEA ao E a ririaki i nanon ana tabo ae e tabu.

Mataio 27:66

Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Te Kaotioti 5:1

Ao I nora te niira ni boki i atain Teuare tekateka i aon te kaintokanuea. Iai te koroboki i nanona ao i akuuna, ao e kanim'aki ni kanim ake kanikina aika itiua b'a e na aki uki.

Te Kaotioti 5:9

Ao a anene n te anene ae boou, ao a anene ni kaangai, “Ko riai n anaa te niira ni boki ma ni kanakoi b'aini kanim'ana ake kanikina. B'a Ko kamateaki; ao Ko kamaiuia aomata n raraam b'a ana b'ai te Atua mai buakoia baronga nako, ma reeti n aomata nako, ma aomata nako aika a kakaokoro aia taetae,

Te Kaotioti 6:1

Ao I nora te Tiibuteteei ngke E kaaki te b'ai ni kanim ae te kanikina are teuana mai buakoni b'aai ni kanim ake itiua, ao I ongo b'anaan temanna mai buakoia baike a maiu ake aman ngke e kaangai, “Mai!” ao kanga ai aron rebwen te baa b'anaana.

Te Kaotioti 6:12

Ao I mataku ngke E kaaki te b'ai ni kanim are te kanikina are te kaonoua, ao noria, m'aeiein te aba, ae te m'aiei ae korakora! Ao e riki n roro taai, kanga ai aron te kunnikai ae mangaingai ae roro, ao matan nam'akaina ae b'anin e riki n ai aron te raraa taraana;

Te Kaotioti 6:3

Ngke E kaaki te b'ai ni kanim are te kanikina are te kauoua, ao I ongo b'anaan te baere maiu are te kauoman b'a e kaangai, “Mai.”

Te Kaotioti 6:5

Ao ngke E kaaki te b'ai ni kanim are te kanikina are te katenua, ao I ongo b'anaan te baere maiu are te kateniman b'a e kaangai, “Mai.” Ao I taratara nako, ao noria, te aoti ae roro! Ao teuare toka i aona, iai te b'ai n tau-rawawata i nanoni baina.

Te Kaotioti 6:7

Ao ngke E kaaki te b'ai ni kanim are te kanikina are te kaaua, ao I ongo b'anaan te baere maiu are te kaaman b'a e kaangai, “Mai.”

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;